Rossiya - Janubiy Koreya 1:1
18 iyun. 03:00
Bosh hakam: Nestor Pitana (Argentina)
Yordamchi hakamlar: Ernan Maydana (Argentina), Xuan Pablo Belatti (Argentina)
Zaxira hakami: Roberto Moreno (Panama)

Gollar: Kyon-Xo Li (68), Kerjakov (74)

Rossiya: Igor Akinfeev, Sergey Ignashevich, Denis Glushakov (Igor Denisov, 72), Aleksandr Kokorin, Vasiliy Berezuckiy, Oleg Shatov (Alan Zagoev, 59), Yuriy Jirkov (Kerjakov, 71), Aleksandr Samedov, Viktor Fayzulin, Andrey Eshenko, Dmitriy Kombarov.

Janubiy Koreya: Jung Sung Ryon, Yun Sok En, Kim En Gvon, Son Xen Min (Bo-Kyung Kim, 84), Park Ju En (Kyon-Xo Li, 56), Li En, Ku Ja Chol, Xan Guk En, Ki Son En, Li Chun En, Xon Jon Xo (Seok-Ho Hvang, 73).

Ogohlantirishlar: Son Min (13), Ki Sun Yeng (30), Oleg Shatov (49), Koo (90).

MATNLI TRANSLYACIYA
YANGILASH

Barchaga etibor tashakkur! Sog'-salomat bo'ling, Aziz futbol ishqibozlari!

Uchrashuv yakunlandi! Rossiya va Janubiy Koreya terma jamoalari murosa ko'chasini tanlashdi.

90` Uchrashuvning ikkinchi taymiga 4 daqiqa vaqt qo'shib berildi.

90` Koo hakam tomonidan ogohlantirish oldi.

90` Rossiya hujumga o'tmoqda. Koreya himoya bilan ovora.

89` Kokorinning bosh bilan bergan zarbasi mo'ljalga aniq bormadi.

87` Rossiya terma jamoasi bu o'yini bilan guruhdan chiqish haqida bosh qotiryaptimi? Qiziq...

86` Rossiya futbolchilari to'pni o'z nazoratlariga olib, navbatdagi hujumni tashkillashtirishmoqda.

84` Son Xin Min o'rniga Bo-Kyung Kim maydonga tushdi.

82` Kokorin! Zagoev! Navbati bilan ikkalasi zarba berishdi! Zagoevning zarbasiga biroz aniqlik etishmadi.

81` Rossiya burchak to'pini amalga oshirdi. Lekin bu safar koreyslar ishonchli harakat qilishdi.

80` O'yin juda tezlashib ketdi...

79` Alan Zagoev va Aleksandr Kerjakovni maydonga tushirilishi Rossiya o'yinini jonlantira oldi.

78` Olovli hujumlar! Xavfli vaziyatlar navbatma-navbat... Ikkala jamoa ham faollikni oshirgan...

77` Jamoalar tezda gollar urishdi va hujumlarni davom ettirishmoqda! O'yin qizigandan-qizimoqda...

76` Rossiya bosim uyushtirmoqda!

74` GOOOOOOOOOOOOOOOOOOOOOOOOOOOL! Kerjakov!!!!!!!!! Koreya jarima maydonchasi oldida tartibsizlik yuzaga keldi va hozirgina maydonga tushirilgan Kerjakov gol kiritdi! Hisob tenglashdi!

73` Koreya termasida ham o'z navbatida o'zgarish ruy bermoqda. Jyong-Ho Hong o'rniga Seok-Ho Hvang tushdi.

72` Yana o'zgarish. Glushakov o'z o'rnini Denisovga bo'shatib bermoqda.

71` Rossiya terma jamoasi tarkibida o'zgarish. Jirkovni o'rniga Kerjakov tushirildi.

68` GOOOOOOOOOOOOOOOOOOOOOOOOOOOOOOL! Liiiiiiii! Akinfeevdan Fabio Kapelloning tug'ilgan kuniga "sovg'a"! Hozirgina maydonga tushgan Li jarima maydonchasi oldidan shunaqangi zarba berdiki, Akinfeev to'pni o'z darvozasiga tiqib qo'ydi! Zarba kuchi kuchlilik qildi! Qoyil!

68` Koreyalik posbon Jung ham chakki emas. Bir-bir kutilmagan "seyv"lar namoyish etib turibdi.

67` Samedov, Samedov, Samedov va to'pni yo'qotdi o'sha Samedov!

65` Qani faollikni tushirmaymiz bolalar! O'ynanglar, gollar uringlar, shou taqdim etinglar... Bo'shashmanglar!

63` Kombarov! Ana javob! Kombarov kuchli zarbasini bilan Jungni tekshirib ko'rdi. Lekin koreyalik posbon o'z o'rnida!

62` Xavfli vaziyat! Xo hozir boshi bilan hisobni ochishi mumkin edi. Akinfeev bosh rolda.

61` Hujumga otlanayotgan Lini hozir Eshenko to'xtatib qoldi. Jarima zarbasi.

59` Rossiya termasida o'zgarish. Oleg Shatov o'z o'rnini Alan Zagoevga bo'shatib berdi.

58` Ajoyib zarba!!!! Kim jarimadan to'g'ri Akinfeev darvozasini nishonga oldi. Igor ikkinchi urinishdagina to'pni egallab oldi.

57` Koreya jamoasi jarima zarbasini amalga oshiradi.

56` Koreya tarkibida o'zgarish. Park maydonni tark etdi. Uning o'rniga Kyon-Xo Li maydonga tushirildi.

55` Ikkinchi bo'lim startidan boshlab futbol ko'rishni boshladik. O'yin so'nggigacha futbol ko'raylikda ishqilib...

54` Burchak to'pidan kelgan to'pga Li boshi bilan zarba berdi. Lekin samarasiz.

53` Son Xin Min hozir Rossiya himoyasini dovdiratib qo'ydi. Koreya faollashdi. Burchak to'pi.

51` KOOOOOOOOOOOOO! Yana shu KO! Akinfeev yana bir bor mahorat ko'rsatdi. Ko Akinfeev darvozasini uzoqdan nishonga olmoqchi...

50` Ko darvoza tomon kuchli zarba yo'lladi. Akinfeev o'z o'rnida! Xavfli!

49` Oleg Shatov sariq kartochka ishlab oldi.

48` Koreya ham tezda javob qaytarmoqchi bo'ldi. Ammo Berezuckiy bunga yo'l qo'ymadi.

47` Rossiya ikkinchi bo'limni faol boshladi! Fayzulinning kuchli zarbasini Jung qiyinchilik bilan qaytardi. Burchakdan kelgan to'pni esa Berezuckiy sal bo'lmasa golga aylantirar edi! Juda xavfli!

46` Ikkinchi taym boshlandi! Davom etamiz...

Jamoalar ikkinchi bo'limni boshlash uchun maydonga chiqib kelishdi.

Birinchi bo'lim tugadi. Hozircha tabloni ortiqcha ishlatishgani yo'q. O'sha hisob, 0:0. TANAFFUS!

45+1` Birinchi bo'limga 1 daqiqa vaqt qo'shib berildi.

45` Koreyaliklar maydon markazi oldida to'pni bir-birlariga oshirib, o'ynab o'tirishipti. Ko'cha tilida buni "sobachka" deyilardi-a?

44` Birinchi bo'lim so'nggi daqiqalari Koreya terma jamoasi "diktovkasi" bilan o'tmoqda.

42` Kim hozir hech kimga to'pni bermay oldinga bormoqchi bo'ldi. Lekin uning bu harakatlarini rossiyalik himoyachilar "o'qib" olishdi.

41` Koreya tarkibida Son Xin Min faol.

39` JAVOB HUJUMI! Rossiya ham jim qarab turgani yo'q. Tezda javob bermoqchi bo'lishdi. Lekin Koreya himoyachilari ishonchli harakat qilishmoqda.

38` UHHHHHHHH! Bundesliga havosidan nafas olayotgan Son Xin Minning juda kuchli va noaniq zarbasi...

37` Stadion Rossiya deb baqirmoqda. Siz TV qarshisida o'tirib kimga muxlislik qilyapsiz?

36` Koreya burchak to'pidan unumli foydalana olmadi. O'ylagan rejalari yaxshi edi, ammo o'xshamadi.

35` Xavfli zarba!!! KOOOOO! Rikoshet va burchak to'pi.

34` Yuriy Jirkovning zarbasiga aniqlik etishmadi. Yuriy, darvoza o'ngroqda...

33` Hozircha uchrashuvda qisqa epizodli hujumlar. Futbolchilarga ijodkorlik mahorati kamlik qilayotgandek...

32` Ignashevich jarimadan juda kuchli zarba yo'lladi. Lekin Jung o'z o'rnida ekanligini eslatib qo'ydi.

30` Ikkinchi ogohlantirish. Koreya futbolchisi Ki Sun Yeng Samedovga qarshi qo'pol o'ynadi.

29` Rossiya biroz jonlangandek. Ko'proq oldinga borishmoqda.

27` Xavfli to'p uzatilishini koreyalik kiper qaytarib yubordi, qaytgan to'pni esa Shatov kuchli zarb bilan darvozaga yo'lladi... Lekin himoyachilar to'p yo'liga tug'anoq bo'lishdi.

26` Ikkinchi burchak to'pi. Yana Rossiya tepadi. Qani bu safar nima karomat ko'rsatishar ekan?

25` Janubiy Koreyaning hujumi uzilib qoldi. Jarima maydonchasi ichiga etkazib berilgan to'pni Akinfeev egallab oldi.

24` Hozircha darvozalar tomon bittadan zarba berildi. Aniq zarbalarni esa ko'rmadik...

22` Janubiy Koreya so'nggi besh daqiqa ichida hujumga bormadi. Rossiya kichik ustunlik bilan harakat qilmoqda.

20` Berezuckiy va Ignashevich jamoasining yangi hujumini tashkil etishdi. Jirkov bu hujumni rivojlantirdi va to'pni jarima maydonchasi ichida turgan Samedovga etkazdi. Lekin Samedovning zarbasi noaniq chiqdi.

19` Rossiya pozicion hujumga o'tmoqda. Koreya himoyasi hozircha ancha ishonchli.

18` Shatovning noaniq pasi Rossiyani hujumini uzib qo'ydi.

17` Kim hozir Koga to'pni etkazib bermoqchi bo'ldi. Lekin uning oshirib bergan to'pi ancha kuchli chiqdi. Kim Koga qarab: "Kimga tashlading" degandek bo'ldi...

15` Yuriy Jirkovga koreyalik himoyachilar imkon berishmadi.

13` Son Min hakam tomonidan ogohlantirildi. Ilk ogohlantirish.

11` Son Min Xon raqib jarima maydonchasi oldiga yaqinlashib bordi va zarba berdi. Lekin noaniq! Koreya faollashmoqda!

10` Koreya ajoyib hujumni tashki etayotgan edi! Lining ajoyib pasini jamoadoshi to'xtatib qola olmadi. Russlarni ustidan muzdek suv qo'yib yuborilgandek bo'ldi...

8` Ushbu standart vaziyatidan naf chiqmadi. Koreya endi hujumga o'tmoqda..

7` Rossiya o'ziga kelmoqda. Birinchi burchak to'pi.

5` To'p maydon markazida. Hech bir jamoa to'pni raqib jarima maydonchasi oldiga oborib, darvozaga tepa olmayapti. To'p esa ovora...

4` O'yinni ko'ryapsizlarmi? Osiyoliklar biroz tartibli o'ynashmoqda. Rossiya esa shoshma-shosharlikka yo'l qo'ymoqda. Asta-sekin hammasi o'z joyiga tushishi aniq.

3` Rossiya himoyadan hujumga o'tmoqchi bo'ldi. Lekin to'p yo'qotildi. Hayajon hali tark etgani yo'q ruslarni...

2` Ikkala jamoa futbolchilari hayajon bilan o'yinni boshlashdi. To'p koreyaliklarda...

1` Uchrashuv boshlandi! Boshladik... Toshkentda soat 03:00! Jahon chempionati davom etmoqda...

Bugun Fabio Kapello tug'ilgan kuni! Rossiyalik futbolchilar ustozlari bayramini buzib qo'yishmasmikin?

Uxlamanglar-e! O'yin boshlanmoqda! Jahon chempionati bahsi! To'rt yilda bir keladi ushbu musobaqa... Buni his etib, navbatdagi bellashuvni tomosha qiling...

Koreyalik futbolchilar madhiyani kuylashmoqda...

Igor Akinfeev ko'zini yumib olgan. Igor bu Moskva emas, soat 02:00 deb o'yladi shekilli Akinfeev... Bunaqasi ham bo'lib turadi:-)

Davlat madhiyalari jaranglaydi. Birinchi bo'lib Rossiya davlati madhiyasi....

Jamoalar maydonga chiqib kelishmoqda...

Bugungi bahsda ilk gol muallifi qaysi futbolchi bo'ladi? Eng birinchi bo'lib gol mallifi nomini topgan, yozgan yuzerga, Toshkent "derbisi" o'yiniga chipta bor!

Ko'zingiz ilinib qolmasin, saytni "titkilab" turing. Xabarlarni o'qing. Choy-poy ichib oling! Istaganingizni qiling, faqat uxlab qolmang...

Ushb bahsda Fabio Kapello boshchiligidagi Rossiya g'alaba qozonadimi? Yoki Janubiy Koreya matonat ko'rsata oladimi? Bu savollarga sizda qanday javob bor? Aniq javobni esa uchrashuvdan so'ng bilib olamiz...

Braziliya - Meksika uchrashuvi qahramoni Gilerme Ochoa bo'ldi. Har holda bosh hakam bu safar o'z ishini qildi. Umid qilamizki, bu o'yinda ham qahramon futbolchilardan biri bo'ladi. Hakamlar o'z ishlarini qilishgani maqul.

Sizlar bilan birgalikda ushbu bellashuvni Shahboz Beg'amov kuzatib boradi!

Assalomu aleykum haqiqiy futbol-sevar do'stlar! Rossiya - Koreya o'yinini qo'rishga tayyormisiz? Uyqusini bir chetga surib qo'yib, bahsni tomosha qilishni rejalashtirayotgan futbol ishqibozlari uchun ham bugun ikkala jamoadan super o'yin kutib qolamiz!

- Uchrashuv soat 03:00da boshalandi.

ROSSIYA - JANUBIY KOREYA 1:1. MATNLI TRANSLYACIYA