Samvel Babayan: "Bugungi o'yin biz uchun juda muhim edi. Yigitlarga katta rahmat aytaman, muxlislarni g'alaba bilan tabriklayman".

- "Navbahor" avvalgi o'yinlarga nisbatan tamomila boshqa jamoadek ko'rindi. Yani birinchi va ikkinchi gollardan keyin to'xtagani yo'q. Avvalgi bahslarda bu shijoatni ko'rmagan edik.

- Birinchi navbatda yigitlar o'zini juda yaxshi ko'rsatishdi. "Bunyodkor" yaratgan bir-ikki vaziyatni hisobga olmasak o'yinni to'liq nazorat qildik. Bu "Navbahor"ning joriy mavsumdagi hozircha eng yaxshi o'yini. Asosiysi - jamoa goldan keyin ham to'xtab qolmadi va vaziyatlar yaratishda davom etdi. Tahlillarimizning foydasi bo'ldi.

- Birinchi bo'limni olib qarasak, har bir chiziqdagi futbolchilar o'z vazifasini to'liq ado etishdi. Bu jamoa asosiy tarkibi shakllanib ulgurganidan dalolatmi yoki bugun shunaqa bo'lib qoldimi?

- Mavsum oldidan jamoani 10 kishi tark etdi va yana shuncha futbolchi "Navbahor" safiga kelib qo'shildi. Buni jiddiy o'zgarish deb bilaman. Rasmiy o'yinlar o'zgarishlarning haqiqiy foydasini ko'rsatadi. Bugun ayniqsa birinchi bo'limda hamma narsa ishladi. Nima bo'ldi? Yigitlar ushbu o'yin muhimligini tushunishdi deb o'ylayman. "Bunyodkor"ga qarshi bahsdagi g'alaba bizni birinchi o'ringa olib chiqardi. Ruhiy jihatdan bu biz uchun juda muhim edi. Yana, tahlillarimizdagi xulosalar orqali xatolarimizni to'g'irladik.

- Oston O'runovni nega almashtirdingiz?

- Avvalgi o'yinda Oston jarohat olgandi, shu sabab bugun uni asrashga qaror qildim.

Samvel Babayan: "Bu "Navbahor"ning joriy mavsumdagi hozircha eng yaxshi o'yini"