Evropa ligasi. Final.

"Sevilya" - "Benfika" 0:0 (4:2. penaltilar seriyasi)

Turin. "Yuventus-stedium" stadioni.

Hakamlar: Feliks Brix, Mark Borsh, Shtefan Lupp (Germaniya)

"Sevilya" – Betu, A.Moreno, Karrisu, Parexa, Koke, Fasio, Vitolo (Figeyrash, 110), Reyes (Marin, 78; Gameyro, 104), Mbia, Rakitich, Bakka.

"Benfika" – Oblak, M.Pereyra, Luizao, Garay, Sikeyra (Kardoso, 99), Gaytan (Kavaleyru, 119), Amorim, Andre Gomesh, Suleymani (Almeyda, 25), Rodrigo, Lima. Ogohlantirishlar: Fasio (11), Moreno (13), Sikeyra (30) Koke (98), Almeyda (100).

Ogohlantirishlar: Fasio (11), Moreno (13), Sikeyra (30) Koke (98), Almeyda (100).

MATNLI TRANSLYACIYA

YANGILASH

Barchaga etibor uchun tashakkur! Sog'-salomat bo'ling, Aziz futbol muxlislari!

Bugungi final o'yinida har ikkala jamoa ham g'oliblikka munosib edilar. Lekin "lotoreya" bahsida omad ispaniyaliklarga kulib boqdi!

"Sevilya" penaltilar seriyasida 2:4 hisobida "Benfika"ni mag'lub etdi va Evropa ligasi g'olibiga aylandi!

8. Grameyro - GOOOOOOL! 2:4!

7. Luizao - GOOOL! 2:3!

6. Koke - GOOOL! 1:3!

5. Rodrigo - Betuuuu! 1:2!

4. M`bia - GOOOL! 1:2!

3. Oskar Kardozo - Betuuuuu! Gol emas! 1:1!

2. Karlos Bakka zarba va GOOL! 1:1!

1. Limaning zarba va GOOOL! 1:0!

Demak penaltilar seriyasi boshlanmoqda...

Birinchi bo'lim "Benfika" futbolchi penalti tepaldi.

Rakitich va Luizao hakamlar bilan shu borada gaplashib olishmoqda...

Jamoa sardorlari bilan birgalikda hakam kim birinchi penalti tepishni boshlab berishini aniqlab olishmoqda...

G'olib nomi penaltilar seriyasi orqali aniqlanadi!

120+2` Qo'shimcha taymning so'nggisi ham yakunlandi! Uchrashuv tugadi!

120+1` Ikkinchi qo'shimcha bo'limga 2 daqiqa vaqt qo'shib berildi.

120` So'nggi daqiqa boshlandi...

119` "Benfika"ning so'nggi o'zgirishi. Gaytan o'rniga Ivan Kavalero tushdi.

118` "Benfika" hujumga o'tgandi. Lekin ularning rejasi amalga oshmadi.

117` Jamoalar juda ehtiyotkorlik bilan o'ynashmoqda. Ular yaxshisi "lotoreya" orqali o'z yutuqlariga ishonishmoqda.

116` Hamma narsa penaltilar seriyasiga qarab bormoqda...

114` O'yinda aytarli vaziyatlar bo'lmayapti.

112` "Benfika" endi to'pni bir-biriga uzatib vaqtni o'tishini kutmoqda. "Sevilya" esa himoyaga etiborini qaratmoqda.

110` "Sevilya" to'pni o'zida saqlashga urinmoqda.

108` "Benfika" ham, "Sevilya" ham asosiy etiborini himoyada xato qilib qo'ymaslikka qaratmoqda. Uchrashuvning so'nggi soniyalarida to'p o'tkazib yuborib, alamli mag'lubiyatga uchramaslikka intilishmoqda.

107` Agarda ushbu 15 daqiqalikda gol kiritilmasa, jamoalar "lotoreya" orqali o'z omadlarini qidirib ko'rishadi.

106` Ikkinchi qo'shimcha bo'limga start berildi. So'nggi taym!

Birinchi qo'shimcha bo'lim o'z nihoyasiga etdi.

105` Birinchi qo'shimcha taymga 1 daqiqa vaqt qo'shib berildi.

103` Marko Marin yaqindagina maydonga tushgandi. Endi esa Unai Emeri ushbu futbolchini maydondan oldi. Tan olish kerak, ushbu futbolchini o'yini qovushmadi. Marinning o'rniga Grameyro tushdi.

102` Bugun har ikkala jamoa futbolchilarida etarlicha imkoniyatlar paydo bo'lmoqda. Lekin...

100` "Sevilya" jamoasining qo'shimcha taymdagi ilk hujumi. Ajoyib vaziyat. Bakka yakkama-yakka vaziyatga chiqib bordi va kuchli zarba yo'lladi. Uning zarbasi osmon-u falakka uchib ketdi.... Qanday imkoniyat!

99` Suleymani o'rniga Oskar Kardozo maydonga tushdi. Bu futbolchi portugaliyaliklar o'yinini kuchaytirishi mumkin.

99` "Benfika" jarima zarbasini amalga oshirdi. Betu yana jamoasi joniga oro kirdi.

97` Jamoalardan endi hujumkor futbolni kutib ham, talab ham qilib bo'lmaydi. Futbolchilar toliqib qolishgan va buyog'iga xato qilishdan cho'chib harakat qilishadi.

95` Futbolchilar charchashgani ko'rinib qolmoqda.

94` "Benfika" hujumga otlandi. "Sevilya" esa to'pni raqibidan olib qo'ydi.

92` "Benfika" faollik bilan boshladi va tezda hujumga o'tdi. Lekin M`bia bu vaziyatda o'yin qoidasini buzdi deb topdi hakam va jarima zarbasi belgiladi.

91` Qo'shimcha bo'limning ilk taymi boshlandi!

Bizni endi ikkita 15 daqiqadan iborat bo'lgan bo'limlar kutib turibdi. Jamoalar biroz dam olishadi va o'yin davom ettiriladi.

90+2` Uchrashuv tugadi! Demak finalning yana ikkita qo'shimcha taymlari bizni kutmoqda! Asosiy vaqtga hisob ochilmadi va endi g'olib nomini qo'shimcha ikkita taymda aniqlab olish imkoni mavjud. Agarda shunda ham vaziyat o'zgarmasa, unda bizni penaltilar seriyasi kutib turibdi.

90+2` VUHHHHHH! Ezikel Garay!!!!!!!! Burchak to'pidan so'ng to'p bir nechta futbolchiga tegib Garayning oyog'i oldiga tushdi. Garay esa kuchli zarba yo'lladi va noaniq...

90+1` Feliks Brix uchrashuvga 2 daqiqa vaqt qo'shib berdi.

90` So'nggi daqiqa boshlandi. Bizni nimalar kutmoqda...?

89` Unai Emeri va Jorje Jezush juda asabiy tarzda o'yinni kuzatishmoqda.

88` Uchrashuvning asosiy vaqtiga juda oz vaqt qolmoqda. Agarda qaysidir jamoa o'z darvozasidan gol o'tkazib yuborsa, ular uchun juda alamli bo'lib qolishi aniq... Lekin bu final!

87` "Benfika"ning uzoq o'ylagan hujumi yakunlanmay qolmoqda. Hujumda yana portugaliyaliklar...

85` Ezikel Garay boshi bilan to'pni darvozaga joylab qo'yishi mumkin edi-ya?! Biroz noaniq...

84` Limaning kuchli zarbasi va Betu! Qoyil zarba muallifiga va posbonga ham albatta!

83` "Benfika" Evrokuboklardagi so'nggi ettita finalni yutqazib kelmoqda. Bugun Jorje Jezush shogirdlari ushbu qora ananaga chek qo'yishni istayotganlarini yashirib o'tirishmadi.

82` Bugun himoyachilar va darvozabonlar xatosiz o'ynashmoqda va tabiiyki gol ko'rmayapmiz hozircha... Kim birinchi xatoga yo'l qo'yadi? Lekin vaqt oz qolmoqda. Qaysidir jamoa xatoga yo'l qo'ysa, keyin uni tuzatish uchun vaqt etmay qolishi mumkin.

80` Nimalar bo'lmoqda? "Benfika"ning hujumi. Lekin "Sevilya" himoyachilari qanchadan-qancha zarbalarga to'siq qo'yishmoqda... Qoyil...

79` "Benfika" o'zining yangi hujumini tashkil etish ilinjida oldinga bormoqda.

78` "Sevilya"da o'zgarish. Xose Antonio Reyes o'rniga Marko Marin o'yinga tushdi.

76` Vitolo "Sevilya"ning hujuminin rivojlantirdi. Lekin uning tashkil etgan hujumini davom ettiradigan futbolchi topilmadi.

75` Bugungi uchrashuvda jamoalar himoyaviy o'yin ko'rsatishmoqda deb bo'lmaydi. Vaziyatlar va hujumlar etarlicha bo'lmoqda. Faqatgina o'sha imkoniyatlarni yakunlashga kelganida futbolchilarga biroz aniqlik etishmayapti.

73` Asosiy vaqt yakuniga tobora oz vaqt qolmoqda. O'yinda esa hisob ochilganicha yo'q.

71` "Benfika" gol urishga yana yaqin qolgandi. Faqat yakuniy zarbaga kelganda futbolchidan ko'ra raqib posboni ildamroq harakat qilib, to'pni ilib oldi.

69` "Benfika" ustozi Jorje Jezush futbolchilardan ko'ra ko'proq harakat qilmoqda murabbiylar shtabi oldida. Uning asablari tarang...

68` Ikkinchi bo'lim tez ravishda o'tib borayotgandek... Sababi, o'yin, final finalga mos tarzda kechmoqda! Jamoalar birin-ketin o'z xavfli yurishlarini namoyish etishmoqda. Gol bizni uzoq kuttirib qo'ymasligi kerak.

66` "Sevilya" faol. "Benifika" ham faol. Faqat goldn darak yo'q... Hujumlar yomg'iri esa sharros qo'ymoqda...

65` Karisso o'zining zargarona zarbasi bilan gol urib, finalni bezab bermoqchi bo'ldi. Lekin uning "chalqancha" uslubida bergan zarbasi o'xshamadi.

64` Yana Oblak bilan hammasi joyida. O'yin davom etadi.

63` Yan Oblak! Ajoyib "seyv"! Oblak jamoasini goldan qutqarib qolmoqda va o'zi biroz jarohat oldi. Unga tibbiy yordam ko'rsatilmoqda. Uchrashuvni davom ettira oladimi? Yoki "Benfika" ikkinchi majburiy o'zgarishga qo'l uradimi?

61` "Benfika" burchak to'pi tepdi va "Sevilya" uni bartaraf etdi. "Sevilya" esa tezkor qarshi hujum tashkil etdi. Ispaniyaliklar himoyachisi bu vaziyatda aniq harakat qildi va xavfni qaytardi. "Benfika" shu zaxoti yana oldinga o'tdi.

60` Ha, bu final! Hujumlar ketidan hujumlar... Aytganimdek ikkinchi bo'lim umuman boshqacha kechmoqda!

59` "Benfika"ning hujumi burchak to'piga aylandi.

57` Rodrigoning zarbasi Betuga ortiqcha qiyinchilik tug'dirmadi.

55` Yana Reyes! Oblak o'z o'rnida! "Sevilya" jonlandi.

54` Xose Antonio Reyes! Qanday qilib vaziyatdan foydalana olmadi, Reyes?! Yakkama-yakka vaziyat, ammo Reyes mo'ljalda adashdi.

53` Evropa ligasi finalini 32 ta kamera tasvirga olmoqda.

52` Bugun Betu Oblakka nisbatan ko'prok ter to'kmoqda.

50` "Benfika" chinakamiga raqib darvozasi tomon xavf soldi. Parexoning jonbozligi katta etirofga loyiq bo'ldi! Qoyil!

49` "Benfika"ning qarshi hujumi va hujumlari davom etdi! Lima, Rodrigo va yana Lima! Betu va Parexoning jonbozligi finalda nominal mezbon nomi ostida harakat qilayotgan jamoani muqarrar goldan saqlab qoldi! XAVFLI VAZIYAT!

48` "Sevilya" ikkinchi bo'limni faollik boshladi.

46` Ikkinchi bo'lim boshlandi! Final davom etadi...

Biroz dam olamiz va tanaffusdan keyin futbol bayramini birga davom ettiramiz! Ikkinchi bo'lim umuman boshqacha bo'lishi aniq!

45` Birinchi bo'lim tugadi! TANAFFUS!

45` Penalti? Fazioga ikkinchi sariqmi? Yo'q hech narsa yo'q ekan!

45` Birinchi bo'limga 2 daqiqa vaqt qo'shib berildi.

44` Betudan navbatdagi "seyv" va yana "seyv"!!!!!!! "Benfika" uyg'ondi...

43` Bilasizmi nima? Gol etishmayapti bu o'yinga... Finaldagi muhit zo'r. Final bayramidagi asosiy "taom" gol kerak...

41` "Benfika" nihoyat hujum tashkil qildi. Luizaoning boshi bilan yo'llagan zarbasi biroz noaniq.

39` Tinib-tinchimas Karlos Bakka! "Sevilya"ning hujumi va "Benfika" jarima maydonchasi ichida tartibsizlik. Lekin Bakka to'pga zarba berishga ulgurmadi. Xavfli vaziyat-u, faqat zarba etishmadi. "Benfika" biroz uyquga ketgandek...

37` "Sevilya"ning chap qanot himoyachisi Moreno hujum chizig'ida o'ng qanotda paydo bo'ldi va darvoza tomon zarba yo'lladi. Oblak esa to'pni ushlab oldi.

35` Ivan Rakitichning odatiy to'p uzatmalarini portugaliyaliklar payqab qolishmoqda. Karlos Bakkaga etarli vaziyatlar paydo bo'lmayapti. Uni Luizao boshchiligidagi himoyachilar juda yaxshi qo'riqlashmoqda.

34` So'nggi daqiqalarda "Benfika" maydondan yo'qolib qolgandek. Ularni faqat o'z jarima maydonchalari oldida ko'rishimiz mumkin.

33` Kichik qoida buzilishlari juda ko'p qayd etilmoqda. Jamoalar ham, hakam ham asabiy...

32` Ivan Rakitich iloji boricha faolroq harakat qilishga urinmoqda. Lekin uning harakatlari hozircha samara keltirmayapti. "Benfika" himoyada ishonchli to'p surmoqda.

30` Hakam faqat "Sevilya" futbolchilari ranjitaveramanmi dedida, cho'ntagidagi sariq kartochkani "Benfika" azosi Sikeyraga ko'rsatib qo'ydi. Keyingi safar qizilni ko'rsatishi mumkinligiga ishora bu.

28` Xose Antonio Reyes degan futbolchi eslaringda-a? "Arsenal" muxlislari ushbu futbolchini yaxshi tanishadi. Hozir aynan shu futbolchiga nisbatan "Benfika" azosi o'yin qoidasini buzgandi.

26` "Sevilya"ni oldinda o'ylagan rejasi amalga oshmadi. Endi "Benfika" raqib darvozasiga yo'l topish maqsadida oldinga bormoqda.

25` "Benfika" futbolchisi Suleymani finalni ohirigacha o'ynab tugata olmadi. Jarohati bezovta qilgani bois, uning o'rniga Almeyda maydonga tushdi. Majburiy o'zgarish ruy berdi.

24` Unai Emeri shogirdlariga hammasi joyida deb aytmoqda. Demak hozircha hammasi Emeri rejasi bo'yicha ketmoqda desak bo'ladi.

22` "Sevilya" tartibli aqlliroq futbolni tanlamoqda. "Benfika" tajovuzkorroq o'yin uslubini maqul deb topmoqda. Tablo esa hozircha hech kimning foydasiga ishlagani yo'q.

20` Ispaniyaliklar sekin-asta uchrashuvdagi ustunlikni o'z qo'llariga olishga urinishmoqda. To'p nazorati hozirda "Sevilya" jamoasida.

18` "Sevilya" o'yinni o'z jarima maydonchasi atrofidan uzoqlashtirgandek bo'ldi. Lekin "Benfika" ortga qaytmoqchi emas...

16` Ustunlik so'zsiz "Benfika" tarafida.

15` "Sevilya" jarima zarbasidan so'ng o'z darvozasidan to'p olib chiqishi mumkin edi. Lekin ispaniyaliklar posboni Betu bu vazitda jamoasi joniga oro kirdi. Qoyil!

14` Garay!!!! Betu!!!! "Benfika" bosimni kuchaytirmoqda. Hujumlar, burchak to'plari va jarima zarbalari...

13` Finaldagi ikkinchi sariq kartochka ham "Sevilya" himoyachisiga nasib etdi. Alberto Morena bu safar raqibiga nisbatan qoidani buzdi. Qolgan daqiqalarda ispaniyalik himoyachilari ehtiyotkorroq harakat qilishlari talab etiladi.

12` "Sevilya"ning argentinalik himoyachisi Fazioga ogohlantirish ko'rsatildi.

11` "Benfika" futbolchisi Sikeyraga tibbiy yordam ko'rsatildi.

10` "Sevilya" endi faollashdi. Yana bir hujum. Lekin bu vaziyatda Karlos Bakka himoyachilardan ilgarilab ketgani sababli o'yindan tashqari holat qayd etildi.

9` Hozircha shuni aytish mumkinki, final o'yini ekanligini har ikkala jamoa futbolchilari to'liq his etishmoqda va avvalo ehtiyotkorroq futbol ko'rsatishni maqsad qilishgan. Lekin shu bilan birga har ikkala jamoalar hujumga borishdan qo'rqishmayapti... Finalga mos start!

7` Uhhhh! Asabiy o'yin! Har ikkala jamoa vakillari ham hozircha hayajonni engib o'ta olishgani yo'q. "Sevilya" endi hujum tashkil etdi. Karlos Bakkaga yaxshi vaziyat yuzaga kelgandi. Lekin portugaliyalik himoyachilar aniq harakat qilishdi va xavfni qaytarishdi.

6` "Sevilya" jamoasi himoyalanish bilan band. Portugaliyaliklar o'tgan yilgi finalda bo'lgani kabi o'yinni hujumkorlik bilan olib borishmoqda.

5` "Benfika" xavfli hujum uyushtirdi! "Sevilya" posboni to'pga birinchi bo'lib ulgurdi va darvozasi oldida mavjud bo'layotgan vaziyatni bartaraf etdi. Portugaliyalar ochiq o'yin ko'rsatishni boshlashdi...

3` "Sevilya" jamoasi futbolchisi o'yin qoidasini buzdi. "Benfika" o'z jarima maydonchasi oldidan hujumni boshlashi mumkin.

1` Uchrashuv boshlandi! Final boshlandi!

O'yin boshlanishiga barcha narsa shay...

Jamoalar Evropa ligasi madhiyasi sadolari ostida maydonga chiqib kelishdi...

Bugun "Benfika" uchun ham, "Sevilya" uchun hayot-mamot o'yini...

"Yuventus-stedium"da esa final o'yiniga bag'ishlangan bayram tadbiri davom etmoqda...

Uchrashuv boshlanishiga oz vaqt qolmoqda...

Jamoalarning boshlang'ich tarkibi malum bo'ldi.

Evropa ligasi final o'yinini "NTV-PLYUS Futbol" kanali orqali tomosha qilishingiz mumkin.

"Sevilya" jamoasiga ajratilgan kiyinish xonasi

"Benfika" jamoasi uchun ajratilgan kiyinish xonasi

Ko'rib turganingizdek, har ikkala jamoa ham final yo'llanmasi uchun mashshaqatli yo'lni bosib o'tishdiva endigi hal qiluvchi uchrashuvda aniq harakat qiladigan va tartibli futbol ko'rsatadigan jamoa g'olib chiqishi mumkin. Finalda, umuman futbolda omadga ham ko'p narsa bog'liq. Bugungi bellashuvdan keyin nisbatan omadli jamoa bosh sovrinni o'z yurtiga olib qaytishi mumkin. Har ikkala jamoaga ham omad tilab qolamiz! Asosiysi, bizga yuqori darajadagi futbol-teatrini namoyish etib berishsa bo'lgani! Haqli va kuchli jamoa g'alaba qozonish tarafdorimiz!

"Sevilya"ning eng asosiy raqibi sifatida yana bir Portugaliya jamoasi hisoblanmish "Portu" klubini tilga olish mumkin. Portugaliyada bo'lgan o'yinda "Portu" kichik hisobda (1:0) g'alaba qozonganlariga qaramay, ispaniyaliklar o'z maydonlarida raqiblarini (4:1) hisobda tor-mor keltirishni uddasidan chiqishdi. "Sevilya" yana shuningdek final qadar ikki hamyurtlari "Betis" va "Valensiya" kabi jamoalarni turnirni erta tark etishlariga zamin yaratdi.

"Benfika"ning finalgacha bo'lgan yo'ldagi eng asosiy raqibi bu ushbu kun final o'yini o'tkazilayotgan shahar va stadion mezbonlari "Yuventus" jamoasi bo'ldi. Portugaliyaliklar Antonio Konte jamoasini o'z maydonlaridagi bahsda (1:0) mag'lub etishdi va turindagi uchrashuvda hisob ochilmadi. Shu tariqa ular yana "Yuventus stedium"da bo'ladigan hal qiluvchi bahsga chiptani qo'lga kiritishdi.

Har ikkala jamoalar finalgacha bo'lgan mashaqqatli yo'lni munosib tarzda bosib o'tishdi va hal qiluvchi bahsga endi barcha kuch-g'ayratlarini sarflashga tayyorgarlik ko'rishmoqda. Kim g'olib chiqishidan qatiy nazar, bizni ajoyib va g'aroyib futbol bellashuvi kutib turibdi.

Bizni kamida 90 daqiqalik futbol bayrami kutib turibdi. Italiyaning Turin shahriga bugun barchaning diqqat etibori qaratilgan. Bir necha daqiqalardan so'ng, Evropa ligasi bosh sovrini uchun bahs boshlanadi!

Assalomu aleykum qadrli futbol ishqibozlari! Bugun Evropa ligasi final bellashuvida bosh sovrin uchun Ispaniyaning "Sevilya" hamda Portugaliya gegemonlaridan biri "Benfika" klublari o'zaro kurash olib borishadi. O'ylaymizki, jamoalar yuqori sifatli futbol namoyish etib berishadi.

Evropa ligasi final bellashuvini Shahboz Beg'amov matnli onlayn tarzda sharhlab boradi.

"Sevilya" - Evropa ligasi g'olibi!