Ushbu turning ilk uchrashuvi markaziy o'yin hisoblanadi va futbolni sevuvchi muxlislar ushbu uchrashuvni tomosha qilish uchun ishlarini yig'ishtirib, stadionga otlanishadi yoki televizor oldiga joylashishadi. Gap "Arsenal" hamda "Tottenxem" o'rtasidagi bahs haqida ketmoqda. Londonning shimolida joylashgan bu ikki klub azal-azaldan bir-birini chiqishtirmaydi va har mavsum raqibidan balandroq joyni egallashga harakat qiladi. Bugun xuddi shu mag'rur jamoalarning navbatdagi jangi. Hozir bu jamoalarning Premer-ligadagi o'zaro 50ta o'yini, qiziq malumotlari va taxminiy tarkiblari haqida to'xtalamiz.

O'ZARO O'YINLAR

"Arsenal" va "Tottenxem" hozirgacha Premer-liga doirasida 50 marta to'qnash kelishgan. Bu janglarning 18tasi "to'pchilar", 11tasi esa "shporlar"ning g'alabasi bilan yakun topgan. Eng ko'p qayd etilgan natija durang (21ta). Bu statistik malumotlarga qarab Arsen Venger shogirdlari ustunlikka ega deb o'ylashingiz mumkin, ammo ushbu jamoalar o'rtasidagi so'nggi 5ta bahsda 3ta durang qayd etilgan, 2ta g'alaba esa "shporlar" hisobida. "Real" kabi superklubni taslim eta olgan Maurisio Pochettino jamoasi "to'rtinchi"larni ham engishga qodirligini ko'pchilik sezib turibdi.

"Arsenal"		O'yinlar soni		"Tottenxem"
18	G'alabalar	50	G'alabalar	11
13	Uyda	50	Uyda	9
5	Mehmonda	21ta durang	Mehmonda	2

QIZIQARLI MA'LUMOTLAR

"Arsenal" "Tottenxem"ga qarshi so'nggi oltita bahsda biror marta ham "shporlar"ni mag'lub eta olmagan.
Garri Keyn Premer-ligadagi so'nggi 5ta London derbisida 6ta gol urgan. Faqat Emmanuel Adebayor (8) va Rober Pires (7) bu jamoalar to'qnashuvida undan gol urishgan.
Maurisio Pochettino hozirgacha shimoliy London derbisida biror marta mag'lub bo'lgani yo'q (2ta g'alaba, 4ta durang), biroq u "Emireyts" stadionida o'tkazgan so'nggi 3ta o'yin durang bilan yakunlangan.

TAXMINIY TARKIBLAR

"Arsenal" hujumchisi Olive Jiru ushbu uchrashuvda ishtirok emasligi oydinlashib bormoqda. Shkodran Mustafi va Denni Uelbeklarning maydonga tushishi so'roq ostida.

"Tottenxem"ning asosiy futbolchilari Garri Keyn, Dele Alli, Garri Uinks, Ugo Loris va Mishel Vorm umumiy guruhda ishlashmoqda. Tobi Alderveyreld va Viktor Vanyama bu bahsda maydonga ishtirok etishmaydi.

APL. 12-turning taxminiy tarkiblari FOTO

MURABBIYLAR FIKRI

Arsen Venger: "Bu derbi doimo kurashlarga boy bo'lgan. Biz hissiyotlarni jilovlab, diqqatni bir joyga jamlab, sovuqqonlik bilan o'ynasak g'alaba bizniki bo'ladi".

Maurisio Pochettino: "Bu bahs 3 ochkodan ko'ra kattaroq ahamiyatga ega. Hissiyotlarga to'la o'tadigan bu bahsda faqat 3 ochko uchun o'ynamaymiz".

Saytimiz muxlislari bu derbi haqida qanday fikrda? Qaysi jamoa yaxshi formada? ularning qay biri bugun g'alaba qozonadi?

Shimoliy London derbisi yoki ikki azaliy raqiblarning jangi