Toshkent viloyatining Qibray tumanida joylashgan Do'rmon stadionida Zoir To'raqulov boshchiligidagi jamoa So'g'diyonaga qarshi maydonga tushdi. Keskin va qizikarli kurashlarga boy tarzda kechgan mazkur uchrashuvda jizzaxliklar kichik farq bilan zafar quchishdi.

Tarkibdagi yo'qotishlar o'rnini qisqa muddatda munosib futbolchilar bilan to'ldirish maqsadida olib borayotgan ishlarimiz nechog'li samarali bo'layotganligini amalda ko'rishimiz uchun xam bunday uchrashuvlar zarur. Shu bois ham tayyorgarlik bosqichida o'tkaziladigan bunday o'yinlarda xisob muxim axamiyat kasb etmaydi. Davron Fayziev boshqaruvidagi jamoa bilan o'tkazgan bahsimiz juda foydali bo'ldi. Qo'l ostimizda xarakat qilayotgan futbolchilar va jamoaga yangi kelib qushilgan nomzodlarning xolati va imkoniyatlarini bilib oldik. Oldimizda qisqa bo'lsa-da, xali vaqt bor. Ana shu muddat ichida mashg'ulotlarga zo'r beramiz va rejalashtirilgan o'rtoqlik uchrashuvlari orqali tarkibni mukammal shakllantiramiz, - deydi Oq bo'rilar bosh murabbiyi.

Bevosita tarkibga to'xtaladigan bo'lsak, birinchi davrada klub sharafini himoya qilgan Asror Aliqulov, Aleksandr Korneychuk, Zoxid Raupov, Yaroslav Krushelnickiy, Botir Qodirkulov, Abbos Omonov, Ibroxim Otaxonov, Aleksandr Vostrikov, Pavel Solomin, Jamol Otaqulov singari tajribali futbolchilar bilan bir qatorda, asosiy tarkibga nomzod sanalgan Tolib Ochilov, Bobir To'raev, Elyor Intizomov, Shaxzod Xursanov, Olim Karimov, Yusuf Bo'riev, G'ulom Raxmonov, Umar Eshmurodovlar xam mashg'ulotlarda ishtirok etishmoqda. Sinovdan utayotgan yangi futbolchilar xaqida gap ketganda, darvozabonlar – Mixail Spiridonov (NBU-Osiyo), Temur Jo'raev (Paxtakor), futbolchilar Abduvali Mo'minov (Kozog'iston birinchi divizioni), Ravshan Abduvoxidov (Chust-Paxtakor), Maxmud Abduraxmonov (Zomin), Aziz G'ulomxo'jaev (Qizilqum), Javlon Guseynov (Neftchi), Sanjar To'raqulov, Feruz Faxriddinov va Alisher Ibragimov (Nuriston, Qashqadaryo ikkinchi ligasi)larni tilga olib o'tishimiz mumkin. Ularning Sho'rtan tarkibida qolish-qolmasligi mana shu yig'in davomida aniq bo'ladi.

Sho'rtan - Sug'diyona - 2:3. Qibray Dormon. 25 iyul
Xakamlar: X.Ro'ziev, S.Shoyusupov, O.Abduvosilov.
Sho'rtan: M.Spiridonov (T.Jo'raev, 46), A.Aliqulov (YA.Krushelnickiy, 46, E.Intizomov, 76), Z.Raupov (J.Guseynov, 46, T.Ochilov, 68), A.Mo'minov (U.Eshmurodov, 60), B.Qodirkulov (A.Omonov, 46), O.Karimov (YU.Buriev, 50), R.Abduvoxidov (B.To'raev, 46, G.Raxmonov, 74), A.G'ulomxo'jaev, F.Faxriddinov (P.Solomin, 46), I.Otaxonov (SH.Xursanov, 46), A.Vostrikov (S.To'raqulov, 46).
Sho'rtan tarkibida gollarni I.Otaxonov (23) va SH.Xursanov (81-pen.) kiritishdi.

"Sho'rtan" "So'g'diyona"ga yutqazib qo'ydi