Shotlandiya – Shveycariya 1:1 (1:1, 0:0)

"ReynEnergiSHtadion"

Gollar: 1:0 – 13 Maktominey, 1:1 – 26 Shakiri.

Shotlandiya – Gann, Ralston, Xenli, Tirni (Makkenna, 61), Xendri, Robertson, Makgregor, Maktominey, Gilmor (Maklin, 79), Makginn (Kristi, 90), Adams (Shenklend, 90).

Shveycariya – Zommer, Vidmer (Stergiu, 86), Rodriges, Sher, Akandji, Ebisher, Shakiri (Embolo, 60), Jaka, Froyler (Serro, 75), Vargas (Rider, 75), Ndoye (Amduni, 86).

Ogohlantirishlar: Rodriges (31), Maktominey (51), Makkenna (68), Makginn (71), Serro (86).

UCHRASHUV YAKUNLANDI!

90. Shotlandiyaliklar bahs oxirida gol urishi mumkin edi, ammo jarima maydonchasiga uzatilgan to'pga hech kim eta olmadi.

89. Shveycariyada standart. Qanotdan to'p jarima maydonchasi ichiga uzatildi. ZARBAAA... Riderning zarbasi biroz noaniq bo'ldi.

87. Shotlandiyaliklarning hujumi zarba bilan yakun topdi, ammo Zommer to'pni qiyinchiliksiz egallab oldi.

82. GOOOL! YO'Q! OFSAYD! Embolo shotlandiyaliklar darvozaboniga qarshi duelda g'alaba qozondi, ammo yon hakam bayroqchasini ko'tardi. VAR tezda hakam qarorini tasdiqladi.

74. Shveycariya safida o'zgarishlar: Vargas a Froyler maydonni tark etdi. Rider va Serrolar bahsga qo'shilishdi.

70. So'nggi bir necha daqiqa ichida ko'proq shotlandiyaliklar hujum uyushtirmoqda.

67. ZARBAAA! Jarima maydonchasiga uzatilgan to'pni Xenli darvoza tomonga burishga urindi. To'p ustunga tegib qaytdi.

65. Gilmur uzoq masofadan Zommer qo'riqlayotgan darvozani ishg'ol qilishga urindi, to'p himoyachiga tegib, maydonga qaytdi.

61. Shotlandiyaliklar safida Tirni jarohat sabab maydonni zambilda tark etdi. Unga sog'liq tilaymiz.

58. NDOYEEE! VOY VOYEY! Ndoye darvozabon bilan birga-bir chiqib, uni darvozani ishg'ol qila olmadi.

54. Hujumlar tashkil qilish navbati Shveycariyaga etdi.

49. Shotlandiyaliklar yana taym boshida faollik ko'rsatmoqda.

46. Ikkinchi bo'lim boshlandi.

FAKT: Sherdan Shakiri so'nggi uch Evro va oxirgi uch JCHda gol urgan yagona futbolchiga aylandi.

45. Birinchi bo'lim yakuniga etdi

41. Akanji shotlandiyaliklarning ajoyib pasini yo'qqa chiqardi. U to'pga ulgurmaganida yakun achinarli bo'lardi.

38. Shotlandiya hujumda qoida buzdi, o'ta xavfli vaziyat yuzaga kelishi mumkin edi.

33. Hozirgina o'ta xavfli vaziyat yaratgan Ndoye raqib darvozasini ishg'ol qildi, biroq u ofsaydda edi.

32. Ndoyening xavfli zarbasini Gann bir amallab qaytarishga muvaffaq bo'ldi.

28. Shveycariya hisobda oldinga o'tib olishi mumkin edi, ammo mehmon jamoa vakilining bergan zarbasi noaniq ketdi.

25. SHAKIRIII! Sherdan Shakiriraqibning xatosidan foydalanib, juda chiroyli traektoriya orqali raqib darvozasini ishg'ol qildi!

13. GOOOL! MakTominey! Shotlandiya terma jamoasining tezkor qarshi hujumi gol bilan yakun topdi. MakTominey qulay vaziyatda to'pni darvozaga yo'lladi, ammo o'zini posbon deb o'ylagan Shveycariya vakili Sher to'pni qaytarman deb, darvozaga joylab qo'ydi. To'pga tegmaganda Zommer to'pni ushlab olardi.

6. Ular ham madhiyani qo'lini ko'ksiga qo'ygan holda aytishar ekan.

4. Granit Jaka orqali tashkil qilingan qarshi hujum noaniq pas bilan yakun topdi.

3. Shotlandiya terma jamoasi bahsning ilk daqiqalarida raqib jarima maydonchasi oldiga yig'ilib ketma-ket hujumlar tashkil qilmoqda va 2ta burchak zarbasi ishlab olishga ulgurishdi.

1. Uchrashuv boshlandi.

Evro-2024. Shotlandiya va Shveycariya murosa ko'chasini tanlashdi