Yovetich uchrashuv davomida ikkita gol urdi. U kichik jarohati tufayli bir qancha o'yinlarni o'tkazib yuborishga majbur bo'lgandi, mana endi u yana o'ynayotganidan va gollar urayotganidan xursand.

Men jamoamizning g'alabasidan, shuningdek ikkita gol ura olganimdan hursandman, deydi o'yindan keyin bergan intervyusida. Jamoa juda yaxshi o'ynadi. Mening birinchi golimda Mika Richardsning xizmati katta, men shunchaki yakuniy zarbani aniq amalga oshirishim kerak edi.

Yovetichning tan olishicha uning jamoadagi faoliyati kutganidek boshlanmagan, lekin uning jamoadagi o'rtoqlari juda yaxshi qo'llab quvvatlashgan. Hujumchi ham ularning ishonchini oqlash uchun xuddi "Uigan Atletik" bilan o'ynaganidek yaxshi o'ynab javob qaytarmoqchi.

Menga "Siti"da o'ynash yoqadi, deydi Stefan. Jamoadagi eng birinchi kunimdan meni xuddi o'z oila azolaridek qabul qilishdi. Ayniqsa Matiya Nastasich, Aleksandr Kolarov va Edin Jeko. Shuningdek boshqalar ham.

Menga qiyin bo'lgandi. Har holda men jamoaga oxirgi kelgandim, buning ustiga darhol jarohat oldim, shu sababli ham birinchi o'yinlarni o'tkazib yuborishga majbur bo'ldim. Jamoa uchrashuvlarda qatnashganda men tayyorlanishda davom etdim, endi esa o'zimni juda yaxshi his qilmoqdaman va ko'plab o'yinlarda qatnashishga umid qilmoqdaman va o'zimni nimaga qodirligimni ko'rsatmoqchiman.

Yovetich shuningdek jamoa hozirgi muvaffaqiyatli natijalarini davom ettirishiga umid qilmoqda. Tarkibda o'zgarishlar bo'lishiga qaramasdan shaharliklar uchta o'yinda 12 ta gol ura olishdi va shanba kuni bo'lib o'tadigan "Aston Villa"ga qarshi uchrashuvda g'alaba qozonishga urinib ko'rishadi.

Biz shunday ruhda davom etishimizga umid qilaman, deydi Yovetich. "Yunayted" ustidan qozonilgan g'alabadan keyin biz yana maydonga tushdik. Uiganga qarshi o'yinda jamoamiz musobaqani boshqa tarkib bilan ham davom ettira olishimizni isbotladik.

Kecha boshqa tarkib o'ynadi, lekin jamoa shunda ham kuchli edi va bu kun biz uchun yaxshi kun bo'ldi. Endi bu o'yinni unutishimiz kerak bo'ladi va bor etiborimizni shanba kungi o'yinga qaratishimiz lozim. G'alaba qozonishimizga umid qilaman, har holda mexmondagi ohirgi o'yinlarimiz omadli bo'lmayapti.

Javlonbek Yusupov.

Stefan Yovetich: "G'alabamizdan xursandman"