Yaqinda Superliga klublarining qishki o'quv-mashg'ulot yig'inlari rejasini malum qilgan edik. Deyarli hamma o'z rejasini ishlab chiqqan, shunga yarasha harakatni olib bormoqda.

Kimlar Turkiyaga boradi? Klublarimizning yangi mavsumga tayyorgarlik rejalari haqida

Tarkibdagi o'zgarishlar haqida ham xabarlar berilib turibdi. Lekin Termizning "Surxon" jamoasi hali hamon sukunatda. So'nggi ikki mavsum Superligada jon saqlash uchun kurashgan termizliklarda bu yil yaxshi hamkorga ega bo'lishi va vaziyat yaxshilanishi kutilayotgan edi. Hozircha klub matbuot xizmati ham, rahbariyat ham jimlik saqlashmoqda. Malumotlarga qaraganda, klubning yangi hamkorlari va hozirgi rahbarlari bir qarorga kela olishayotgani yo'q. Jamoani tark etgan futbolchilardan Husniddin G'ofurov ("Neftchi"), Rustam Nortojiev, Alisher Salimov ("Lokomotiv"), Murod To'ychiboev (aniq emas) haqida malumotga egamiz.

Bum! "Surxon" yangi va baquvvat homiy topdi

Yangi mavsumda kim bosh murabbiy bo'lishi haqida ham hali nomalum. Dekabr oyida jamoaga ispaniyalik murabbiylar kelishi mumkinligi borasida xabarlar tarqalgan edi. Keyinchalik esa Bahrom Haydarov saytimizga bergan intervyusida murabbiylar shtabini klub bilan shartnomasi borligini aytgandi. Chempionat boshlanishiga 2 oy vaqt bor. Mana shu vaqt ichida jamoani shakllantirish, tarkibni yig'ish kerak. Agarda yangi murabbiy ish boshlaydigan bo'lsa, bu ancha vaqtni oladi.

"Jamoadan ketganim yo'q "- Bahrom Haydarov, "Surxon"ni Superligada olib qolish va navbatdagi rejalar haqida

Shuningdek yana bir masala "Surxon" uy uchrashuvlarini o'tkazadigan stadionning projektorlarini hali yangilaganicha yo'q. O'tgan mavsumda O'zPFL jiddiy taqiqi qo'ygan holda o'z stadionidan foydalanishga ruhsat bermagan edi. Agarda bu yil ham mazkur masala hal etilmaydigan bo'lsa, mavsum o'rtasiga kelib jamoa stadion qidirishga yoki raqiblar maydonida o'ynashga majbur bo'ladi.

Hozircha rahbariyat bilan bog'lanishni iloji bo'lgani yo'q. Umid qilamizki yaqin kunlarda yuqoridagi savollarimizga javob olamiz zero do'st achitib, dushman kuldirib gapirar. Maqsadimiz esa dushmanlik emas!

"Surxon"da sukunatmi?