Musobaqa reglamentiga ko'ra, “G” kvartetida birinchi o'rinni qo'lgan kiritgan “Bunyodkor” jamoasi “E” guruhida ikkinchi bo'lgan Tailandning “Buriram Yunayted” klubi bilan chorak final yo'llanmasi uchun kurash olib boradi.

Bu jamoalarning birinchi uchrashuvi 14 may kuni Tailandda o'tkazilsa, javob bahsi 21 mayda “Bunyodkor” stadionida bo'lib o'tadi.

Etiboringizga Osiyo Chempionlar ligasidagi navbatdagi raqibimiz – “Buriram Yunayted” klubi haqida asosiy malumotlarni keltirib o'tamiz.

Klub tashkil topgan yili: 1970
Klubning to'liq nomi: “Buriram Yunayted” futbol klubi
Stadioni: “New I-Mobile Stadium”
Sig'imi: 24.000 tomoshabin
Rasmiy sayti: www.buriramunited.co.th

YUTUQLARI:
Tailand chempioni – 2008, 2011
Tailand vice-chempioni – 2005, 2010
Tailand kubogi sohibi – 2013
Tailand kubogi finalchisi – 2009, 2012
Tailand futbol associaciyasi kubogi sohibi – 2011, 2012
Toyota ligasi chempioni – 2011, 2012
Toyota ligasi vice-chempioni – 2010

XALQARO ISHTIROK
Osiyo Chempionlar ligasi:
2009 yil – saralash bosqichi
2012 yil – guruh bosqichi
2013 yil – nimchorak final (klub OCHLdagi o'z ishtirokini davom ettirmoqda)

OFK kubogi:
2009 yil – guruh bosqichi

LEGIONERLARI:
Osmar Barba (Ispaniya, 1988 yil) tanya yarim himoyachisi
Karmelo Gonsalez (Ispaniya, 1983 yil), hujumkor yarim himoyachi Xuan Kuero (Ispaniya, 1984 yil), yarim himoyachi
Kay Xirano (Yaponiya, 1987 yil), hujumkor himoyachi

Klub tarixi mobaynida jamoa safida bir necha mashhur legioner futbolchilar faoliyat olib borishgan. Biroq jamoaning eng mashxur xorijiy futbolchilari joriy yilgi Osiyo Chempionlar ligasiga “zayavka” qilingan. Uchala ispaniyalik futbolchi yaqin-yaqinlargacha Ispaniya premerosida to'p tepishgan.

“Buriram Yunayted” jamoasi Osiyo Chempionlar ligasida uchinchi bor ishtirok etmoqda. Tailandliklar dastavval 2009 yilgi turnirning saralash bosqichida Singapurning “Armed Forsez” klubiga yutqazib qo'yishgan. 2012 yilda esa “Buriram Yunayted” guruh bosqichida “Guanchjou” (Xitoy), “Chjonbuk Motors” (Janubiy Koreya) va “Kashiva Reysol” jamoalari bilan kuch sinashdi. Dastlabki ikki turda g'alaba qozongan tailandliklarga qolgan uchrashuvlarda xalqaro tajriba etishmay, pley-off yo'llanmasidan quruq qolishdi. Lekin “Buriram Yunayted”ning guruhdan chiqish maqsadi 2013 yilga kelib amalga oshdi. “Seul” (Janubiy Koreya), “Vegalta Senday” (Yaponiya) va “Jiangsu Seynti” klublari bahslashgan tailandliklar 7 ochko bilan guruhda ikkinchi o'rinni egallashdi.

Tailand milliy terma jamoasi safida “Buriram Yunayted”ning besh nafar azolari harakat qilishadi.

“Buriram Yunayted” jamoasi ayni paytda Tailand chempionatida “Muang Tong Yunayted” klubidan keyin ikkinchi o'rinni egallab turibdi.

Raqibimiz haqida eng so'nggi malumot sifatida bosh murabbiy Attapxol Buspakomning guruh bosqichi yakunlangach klubni tark etganligi bo'ldi. Jamoa ustozi va klub rahbariyati o'rtasidagi kelishmovchilik natijasida Buspakom “Buriram Yunayted”ni tark etdi. Ayni paytda jamoa bosh murabbiysiz.

Tanishing, “Bunyodkor” raqibi: “Buriram Yunayted” (Buriram, Tailand)