O'yinda hisobni mezbonlar gruziyalik legioner Giorgi Beridzening goli evaziga ochishdi. Keyin esa mehmonlardan Jekson Muleka hamda Dele Alli o'z nomini tabloga yozdirdi. So'ngra, Baridzening o'zi dublga erishib, muvozanatni tikladi. Ammo 2-taym o'rtalarida Jorj-Kevin N'Kudu raqib darvozasiga belgilangan penaltini aniq amalga oshirib, “Beshiktosh”ga uch ochko keltirdi.
“Everton”dan turk klubiga ijaraga o'tgan Alli 2-o'yinida dastlabki golini urishga erishdi.
Mazkur g'alabadan keyin Valeren Ismael shogirdlari hisobidagi ochkolar soni 13 taga etdi va ular turnir peshqadamiga aylandi.
Izohlar