Mazkur uchrashuv oldidan yoshlar bilan ishlash bo'yicha tajribali murabbiy Anvar Rahimovning fikrlari bilan qiziqdik.
"O'tgan ikki o'yinda yigitlar juda yaxshi tayyorgarlik ko'rishgani bilindi. Murabbiylar shtabiga rahmat aytgan bo'lardim, chunki bunday turnirga futbolchilarni tayyorlash oson emas. Futbolchilar vatan uchun, ortda bayroq turganini his qilishlari kerak. Bu turnir ularning keyingi faoliyatiga turtki bo'lishi mumkin. Avvalgi uchrashuvlarda terma jamoamiz ikki xil tarkib bilan maydonga chiqdi. Bu kam jamoalarda uchraydi, asosan zaxira bilan muammo kuzatiladi. Rotaciyalar qila olishmasdi. Mazkur terma jamoada zaxira kuchli va bu murabbiyga yoqimli bosh og'riq. To'g'risini aytganda Yaman va Indoneziya bilan biz favorit edik. Eron bilan o'yinda asosiy kuchimiz sinaladi. Keyingi bosqich yanada qiyinroq bo'ladi.
U-20 terma jamoadagi ko'p futbolchilarni taniyman va salohiyatini yuqori baholayman. Erondan ham kuchliroqmiz. Bunga futbolchilar ishonishi kerak. Yaponiya yoki Koreya bilan ko'p omillar rol o'ynaydi, shuning uchun jonimizni berishimiz kerak",- deydi Anvar Rahimov.
Izohlar