"Meni ulg'aytirgan "Nasaf" FK!

Qadrli "Nasaf" klubi muxlislari va azolari. Bazida qarorlarni qabul qilish juda qiyin, lekin bu sohamizni bir bo'lagi. "Nasaf" libosini 13 yil davomida kiydim. Shu 13 yil mobaynida muxlislarimiz, murabbiylarimiz va jamoadoshlarim bilan g'alaba qozondik, yig'ladik, xursand bo'ldik va eng muhimi biz bir OILA bo'ldik!

Mana sizlar bilan xayrlashish vaqti keldi……. Bu qarorga kelish juda qiyin bo'ldi!

Qashqadaryo xalqi va "Nasaf" muxlislari. Sizlar har doim yuragimning eng tubida qolasizlar.

Hammangizdan qaytarib bo'lmas xotiralarni taqdim etganingiz uchun minnatdorman.

Hayotimga rang-baranglik olib kirgan "Nasaf" klubiga kelasi mavsumda omad va eng yaxshi tilaklarimni tilab qolaman.

"Nasaf"ga o'xshashi yo'q!!!!!", - deb yozdi posbon o'zining Instagram'dagi sahifasida.

Bunga qadar saytimiz tomonidan Ergashev uchun mamlakatimizning uch klubi davogarlik qilgani, yakunda posbon "Navbahor"ni tanlaganini malum qilgan edik.

Ergashev "Nasaf" libosida jami 70ta o'yinda maydonga tushib, o'z darvozasidan 69ta to'p olib chiqqan va 24ta "quruq" o'yin o'tkazgan.

Umid Ergashev "Nasaf" bilan xayrlashdi. U "Navbahor"ga o'tmoqda