"Volgar" bilan o'yindan so'ng "ajdarlar" darvozaboni Umid Ergashevga yuzlandik. Posbon terma jamoamizning yanvar oyida BAAdagi yig'inida ham ishtirok etdi. Suhbat davomida shu haqda ham so'radik.

"Terma jamoaning yig'inidan so'ng klub ixtiyoriga etib keldim. Qo'shilib ketishda ortiqcha muammo bo'lmadi. Hammamiz bir oilamiz.

BAAda asosan, o'yinni shakllantirish, jismoniy holatni tiklash ustida ishladik. Srechko Katanec barchaga imkoniyat berdi. Kimning nimalarga qodirligini bilib oldi, deb o'ylayman. Bu murabbiy himoyaga juda katta etibor qaratadi. Orqa chiziq vakillaridan tartibli o'yin talab qilmoqda. Mentalitetni o'zgartirmoqda.

Ko'rganingizdek, bugun Rossiya klubiga qarshi o'ynadik. Murabbiyimiz ikkita tarkibni ham sinovdan o'tkazib ko'rdi. Yaqinda qura tashlanadi. Albatta, quradan oldin biror narsa deyish qiyin. Taxminimcha, chempionat ilk turida "Neftchi" yoki "Dinamo" bilan to'qnash kelishimiz mumkin. Superligada ko'p klublar kuchaymoqda. Hozirda Antalyada 10 ga yaqin jamoaning mashg'ulot olib borayotgani fikrimga isbot bo'la oladi", – deydi Umid Ergashev

Umid Ergashev: "Taxminimcha, "Nasaf" chempionat ilk turida "Neftchi" yoki "Dinamo" bilan ro'baro' keladi"