"Манчестер Юнайтед" ҳимоячиси Рафаэль Варан нега Мадриднинг "Реал" клубидан кетгани ҳақида гапирди.

“Чемпионлар лигасида ғалаба қозонганингиздан кейин мухлислар сизни табрикламайди. Улар шунчаки: "Жуда яхши, энди биз кейингиси учун курашамиз", дейишади. Турнирда бир эмас, тўрт марта ғалаба қозонганман, лекин мухлислар менга доим фақат бир нарсани айтишарди.

Баъзан ўйлайманки, сиз ўзингизда бор нарсадан завқланишингиз керак. Биз ҳар доим ҳам ғалабаларни бирга нишонламаганмиз, чунки масалан, сўнгги Чемпионлар лигасида ғалаба қозонганимиздан кейин жаҳон чемпионати бошланиб кетди. Баъзида мен тўхташ ва муваффақиятни нишонлаш учун махсус тугмани босишни хоҳлардим.

"Реал" — ўзгача клуб, гап унинг менталитетида. Клуб алоҳида ёндашувна талаб қилади. Шунинг учун мен муҳитни ўзгартиришни истадим. Бу менталитетни ёқтирмаганим, уни ёмон деб билганим учун эмас. Аксинча, бу жуда яхши менталитет, аммо мен бошқа нарсани хоҳладим", – деди франциялик.

Варан август ойида "Реал"дан "Манчестер Юнайтед"га ўтган эди. Трансфер суммаси 40 миллион еврони ташкил қилди.

Варан "Реал"ни нима учун тарк этганини тушунтирди