"Qo'qon-1912": Jalil Kimsanov "Bunyodkor" bilan o'yinni o'tkazib yuboradi

"Qo'qon-1912" jamoasi 15-turdan o'rin olgan "Bunyodkor"ga qarshi o'yinga tayyorgarlikni davom ettirmoqda.

Jamoa himoyachisi Jalil Kimsanov diskvalifikaciya tufayli "qaldirg'ochlar"ga qarshi bahsda maydonga tusha olmaydi. Uning ogohlantirishlari soni 4taga etdi.

Bugun jamoalarning yoshlari o'rtasidagi o'yin soat 18:00da boshlanadi.

"Andijon": Rasul Rahmonov ertangi o'yinni o'tkazib yuboradi

Ertaga "Andijon" jamoasi oliy liga 15-tur bahsida "Paxtakor"ni qabul qiladi. Ushbu o'yin oldidan andijonliklar tarkibida bitta yo'qotish borligini aytib o'tish kerak. Jamoamiz sardori Rasur Rahmonov ertaga maydonga tusha olmaydi. Chunki uning sariq kartochkalari soni 4taga etdi. Ammo diskvalifikaciya tufayli 5ta o'yinni o'tkazib yuborgan Ibrohim Otaxonov bilan Sanjar Asqaraliev "Paxtakor"ga qarshi maydonga tushishlari mumkin.
Eslatib o'tamiz, bugun Oltinko'l tumanidagi markaziy o'yingohda "Andijon" va "Paxtakor" o'rinbosarlari kuch sinashishadi. Uchrashuv soat 18:00da boshlanadi.

"Neftchi": Jamoa Navoiyga etib bordi

Farg'onaning "Neftchi" klubi bugun tong saharda Navoiy shahriga etib bordi. Jamoa ertaga oliy liganing 15-turida "Qizilqum" mehmoni bo'ladi.

2ta o'yinlik diskvalifikaciyani o'tab bo'lgan bosh murabbiy Murod Ismoilov ertangi bahsda jamoani boshqarish huquqiga ega bo'ladi.

Bugun ikkala jamoaning yoshlari o'rtasidagi o'yin soat 18:30da boshlanadi. Ertangi asosiy tarkiblar o'rtasidagi uchrashuv esa 19:30ga belgilangan.

"Navbahor": Tarkibda uchta yo'qotish bor

Yakshanba kuni Toshkentga kelgan "Navbahor" "Lokomotiv"ga qarshi bahsga tayyorgarlikni davom ettirmoqda. Jamoa delegaciyasi O'zbekiston mehmonxonasiga joylashgan.

Tarkibda Aleksandr Melenchuk (jarohat), Ulug'bek Baqoev va Azim Ahmedov (ikkisida diskvalifikaciya) kabi yo'qotishlar bor. Qolgan barcha futbolchilar Toshkentga kelishgan va uchrashuvga tayyorgarlik ko'rishmoqda.

Yoshlar ligasi doirasidagi bahs bugun soat 18:15da boshlansa, ertangi uchrashuv soat 19:30da TTYMI stadionida bo'lib o'tadi.

"Vodiy futboli": "Neftchi" Navoiyda, "Navbahor" Toshkentda