"Кенг кўламли таркибимиз бор. Барча яхши машғулот қиляпти, ҳар бир футболчи жамоага ёрдам беришни истамоқда, ҳамма бир-бирига мухтож - бу эса энг асосийси. Ушбу мавсум ноодатий ўтяпти, ўйинлар тақвими жуда тиғиз, шу сабабли бизга ҳар бир футболчи керак. Жамоавий ўйинни ўйнаш майдонга тушаётган ҳар бир футболчининг бурчи бўлиб қолади.
Бизда вариантлар жуда кўп. Совринларни бутун бир жамоа олади, асосий таркибнинг 11 футболчиси эмас. Биз қандай футбол ўйнашни истаётганимизни кўрсата олдик. Ташаббусни ушлаб туришни истаймиз. Клубнинг талаблари жуда кучли, бу эса ўзига ҳос босимни беради. Жамоа ўтган ноябрга қараганда кучлироқ даражада. Бироқ "Барселона"ни жиддий синовлар кутмоқда. Ундан чиқиб кетиш учун чин дилдан меҳнат қилиб, жамоа, оила бўлиш керак.
Бальде айни дамда яхши ҳолатда, у бизга кўп нарсаларни бера олади. 18 ёшли футболчининг бундай ўйин кўрсатиши ажойиб ҳолат. Бизда уч нафар юқори даражадаги чап қанот ҳимоячилари бор", - деди Хави.

Хави: "Барселона" қандай футбол ўйнашни истаётганини кўрсатиб берди"