JCH-2014. "A" guruhi, 3-tur.

Xorvatiya - Meksika 1:3
24 iyun. 01:00
Bosh hakam: Ravshan Ermatov (O'zbekiston)
Yordamchi hakamlar: Abdulhamidillo Rasulov (O'zbekiston), Bahodir Qo'chqorov (Qirg'iziston)
Zaxira hakami: Neant Alium (Kamerun)

Gollar: Markes (72), Guardado (75), Chicharito (82), Perishich (87)

Xorvatiya: Pletikosa, Vrsalko (Kovachich, 58), Pranich (Elavich, 74), Perishich, Chorluka, Lovren, Rakitich, Modrich, Srna, Manjukich, Olich.

Meksika: Ochoa, Rodrigez, Markes, Xerrera, Layun, Dos Santos (Chicharito, 61), Moreno, Guardado (Fabian, 84), Peralta (Pena, 79), Agilar, Vazkuez.

Ogohlantirish: Rakitich (9), Markes (39)

Chetlatish: Rebich (89).

MATNLI TRANSLYACIYA
YANGILASH

Etiboringiz uchun rahmat! Doimo sog'-salomat bo'linglar, Aziz futbol ishqibozlari!

UCHRASHUV YAKUNLANDI! MEKSIKA KEYINGI BOSQICHGA YO'L OLMOQDA!

90` Uchrashuvning ikkinchi bo'limiga 4 daqiqa vaqt qo'shib berildi.

90` PERISHICHCHCH! OCHOA!!!!! AJOYIB ZARBA VA CHIROYLI "SEYV"!

89` Anti Rebich qizil kartochka bilan siylanmoqda!

88` Meksika ushbu mundialdagi ilk golini o'tkazib yubordi.

87` GOOOOOOOOOOOOOOOOOOOOOOOOL! Perishich!

84` Meksika tarkibida navbatdagi o'zgarish. Guardado o'rniga Fabian tushdi.

Meksika Xorvatiyani yanchib tashlamoqda!

82` GOOOOOOOOOOOOOOOOOOOOOOOOOOOOOOOL! CHICHARITO!

81` Xorvatiya so'nggi 5 daqiqa ichida nimalar ruy berganini haligacha tushunmayapti...

79` Peralta o'rniga Pena tushdi.

78` HUJUM!!!!!! REBICH!!! QANDAY VAZIYAT!!! QANI GOL??!! Xorvatiya hisobni tenglashtirish imkoniyatini qo'ldan chiqarmoqda.

77` Dahshatli bahs! Dahshatli Meksika! Xorvatiya "shok"da!

76` GOOOOOOOOOOOOOOOOOOOOOOOL! GUARDADO! Meksikaning navbatdagi chiroyli hujumi gol bilan yakunlanmoqda. Chicharitoning faolligi meksikaga navbatdagi golni tadim etmoqda. Guardado aniq zarba yo'lladi va hisobni 0:2ga keltirmoqda!

75` Buyog'iga Xorvatiya jamoasi kamida ikkita to'p kiritishlari talab etiladi.

Xorvatiyada o'zgarish. Pranich o'rniga Elavich tushdi.

74` Xorvatiyaning tezkor javobi! Ancha xavfli!

72` GOOOOOOOOOOOOOOOOOOOOOOOOOL! MARKES! Meksika sardori boshi bilan Pletikosa qo'riqlayotgan darvozani aniq nishonga oldi, 0:1!

70` Meksikaning navbatdagi hujumi besamar tugadi.

68` Xorvatiyaning hujumi xavfli ko'rinish oldi. Lekin meksikalik himoyachilar bu safar ham ishonchli o'ynashdi.

66` Meksika katta kuch bilan oldinga bormoqda. Pletikosa bir vaziyatda jamoasini muqarrar goldan qutqarib qoldi!

65` Vazkuez ogohlantirildi.

64` Meksikaning hujumi! Darvoza yo'llangan zarbani Srna qo'li bilan qaytarib qoldi! Ravshan Ermatov esa penalti belgilamadi. Meksika futbolchilari "shok"da. Takroriy lavhada Srna qo'li bilan o'ynaganligi ko'rinib qoldi.

61` Meksika tarkibida o'zgarish: Dos Santos o'rniga Chicharito tushdi.

59` Xorvatiya tarkibida o'zgarish. Vrsalko o'rniga Kovachich tushdi.

58` Meksika yana bir bor burchak to'pini amalga oshirdi. Lekin yana samarasiz.

55` Perishich oddiy vaziyatda to'p oshirishda xatoga yo'l qo'ydi.

54` Xorvatiya hujumga oshiqmoqda. Lekin meksikalik himoyachilar bugun haqiqiy qalqon vazifani bajarishmoqda.

Aytishlaricha, Marselo yana assistentlik qilibdi-a? Braziliyalik futbolchilar bugun faqat kaminani jamoasi uchun o'ynashmoqda desam ishonmagandingizlar-a? "FIFA.UZ"da yayradiku meni jamoam:-)

Qo'shni xonadan "GOOOOOOOOOOL" degan ovoz keldi. Bizlar ham "GOOOOOOOOOL" deylik, uringlar-e!

50` Xorvatiya burchak to'pini amalga oshirdi. Lekin Olich himoyachiga nisbatan o'yin qoidasini buzdi.

48` Xorvatiyaning hujumi samarasiz yakunlandi. Hozircha meksikalik himoyachilar ancha ishonchli o'ynashmoqda.

47` Meksika tezkor hujum uyushtirdi. Lekin Peralti to'pga etib kela olmadi.

46` Ikkinchi bo'lim boshlandi! O'yin davom etadi...

Meksika go'zallaridan Sizga "tungi salom"

Ivica Olich ancha ter to'kmoqda

Birinchi taym tugadi. TANAFFUS!

45` Ravshan Ermatov birinchi bo'limga 2 daqiqa vaqt qo'shib berdi.

44` Gap-gap bilan birinchi bo'lim so'nggi daqiqasiga ham etib keldik. Goldan esa darak yo'q.

43` Xorvatiya darvozasi oldida tartibsizlik kelib chiqdi. Ravshan Ermatov darrov kerakli paytda paydo bo'lib, futbolchilarga "sho'xlik" qilmanglar deb qo'ydi.

42` UHHHHHHH! Meksika yaxshi hujum tashkil etdi. Lekin zarba berishga kelganda futbolchilar chuzib yuborishdi.

40` Dario Srnaning zarbasi noaniq ketdi.

39` Xorvatiya tezlik bilan qarshi hujumga o'tib ketayotgandi. Perishich esa Meksika sardori Markes chalib yiqitdi. Ermatov unga ogohlantirish ko'rsatdi. To'g'ri. Xavfli nuqtadan jarima zarbasi. Ochoa ehtiyot bo'lishi kerak!

38` Xorvatiya himoyachilari xavfni bartaraf etishdi.

37` Guardadoning faolligi Meksikaga navbatdagi burchak to'pini taqdim etmoqda.

36` Meksika jamoasi burchak zarbasini amalga oshirdi. Lekin samarasiz. Hujum esa davom etmoqda.

Narigi o'yinda uchinchi gol ham kiritildi. Neymar degani bugun faqat meni "FIFA.UZ"dagi jamoam uchun ochko ishlab beradi shekilli... MALADES BOLAKAY!

33` Jamoalar anchagina ehtiyotkorlik kuchaytirib yuborishmoqda. Bu hisob Meksika uchun qoniqarli, lekin Xorvatiya nega "jim" turgan biroz tushunarsiz. Vaqt o'tib bormoqda.

31` Hozircha xavfli vaziyatlar sodir etilmayapti. Ravshan Ermatov esa o'yinni chiroyli tarzda boshqarib bormoqda. Uning maydonda borligi deyarli bilinmayapti. Yaxshi hakamlar maydonda "ko'rinishmaydi"!

29` Perishich ham Ochoa darvozasini nishonga olmoqchi bo'ldi, ammo zarbasi noaniq chiqdi.

Narigi o'yinda hisob tenglashdi? Iye, Kamerun yomon chiqdiku-a? Yoki Braziliya avvalgidek kuchli emasmi?

27` Pranich Ochoa darvozasi tomon zarba yo'lladi. Noaniq.

25` Meksika tezkorlik bilan himoyadan-hujumga qarab o'tib ketmoqda. Hozircha o'yinda aniq bir jamoani ustunlikka ega deb bo'lmaydi. Deyarli teng o'yin kechmoqda.

24` To'p bilan xorvatiyalik futbolchilar. Niko Kovach shogirdlari yangi hujum tashkil etishmoqda.

Narigi o'yinda hisob ochildi, Neymar Braziliyani hisobda oldinga olib chiqqan. Ha aytgancha, "FIFA.UZ"da meni jamoamda Neymar bor edi. Malades Neymar dermidi!?

21` Meksika ketma-ket ikki bor xavfli vaziyat sodir eta oldi.

20` XAVFLI VAZIYAT! Peralta qulay imkoniyatni ko'kka sovurmoqda. Ajoyib pas, lekin zarba borasida bu gapni ayta olmaymiz...

18` Meksikalik futbolchilar uzoq masofadan zarba berishni yoqtirishadi va ularning juda ko'pchiligining zarbasi anchagina kuchli.

16` UHHHHH! XAVFLI ZARBA! XERRERA! Meksika futbolchisi Xerrera uzoq masofadan darvozani nishonga olmoqchi bo'ldi. Uning tepgan kuchli zarbasi darvoza tusiniga tegib qaydi!

15` Meksika o'yinni o'z jarima maydonchasi oldidan uzoqlashtirmoqchi.

14` Xorvatiya tashabbusni o'z qo'liga olmoqda. Burchak to'pi xavfliro ko'rinish olishi mumkin edi. Lekin Manjukich to'pga boshi bilan zarba bera olmadi.

13` Ivan Perishichning oshirib bergan to'pini himoyachi maydondan chiqarib yubordi. Navbatdagi burchak to'pi.

12` Xorvatiyaning hujumi rivojlanayotgan bir paytda, Ivica Olich to'pga etib kela olmadi.

10` Luka Modrich to'p uchun kurashda biroz jarohat oldi.

9` Rakitich maydon markazida raqibiga nisbatan qo'pol o'ynadi va Ravshan Ermatovdan sariq kartochka bilan siylandi.

8` Xorvatiya o'z hujumlarini boshlab yubordi.

7` Meksikalik himoyachilar ushbu standart vaziyatini bartaraf etishdi.

6` Xorvatiyaning ilk hujumi. Burchak to'pi. Kuzatamiz.

5` O'yin tezligi hozircha pastroq. Lekin bu hozircha. Bu o'yin ahamiyati har ikkala jamoa uchun ham juda muhim. Bu erda shoshqaloqlikka yo'l qo'yib bo'lmaydi.

4` Bugun ham Ochoadan hayri-odatiy "seyv"lar ko'rsak kerak-a? Mario Manjukich boshchiligidagi Xorvatiya hujum chizig'i Meksikaga ancha bosh og'riq bo'lishi kutilmoqda.

3` Jamoalar o'yinni ancha ehtiyotkorlik bilan boshlashmoqda.

2` Meksika jamoasi to'p nazorat qilmoqda. Hozircha Xorvatiya raqibini o'z jarima maydonchasi oldida kutib olmoqda.

1` Uchrashuv boshlandi! Dahshatli o'yinga start berildi! Umid qilamizki, bizni oldinda juda qiziqarli bo'lgan 90 daqiqalik bahs kutib turibdi. Haqli va kuchli jamoaga g'alaba qozonish nasib etsin! Qani boshladik bo'lmasam...

Eslatib o'tamiz, bu o'yin bilan bir vaqtda Kamerun - Braziliya bahsi ham boshlanmoqda. U uchrashuv tafsilotilari bilan "qo'shni xona"da Narzulla Saydullaev o'rtoqlashmoqdalar.

Endi ananaga ko'ra, har ikkala davlat madhiyalari jarang soladi...

Ravshan Ermatov jamoalar boshlab kelmoqda...

Jamoalar maydonga chiqib kelishmoqda...

Assalomu aleykum qadrli futbol ishqibozlari! Bugun jahon chempionati "A" guruhidagi eng markaziy o'yin Xorvatiya - Meksika o'rtasidagi bahs bo'lib o'tadi. Keyingi bosqich yo'llanmasi uchun kechadigan bellashuvda qaysi jamoa g'olib chiqishini yana bir necha daqiqalardan so'ng bilib olamiz. Meksika jamoasini durang natijasi qanoatlantirsa, Xorvatiyaga g'alaba zarur. Ushbu markaziy uchrashuvni hamyurtimiz Ravshan Ermatov boshchiligidagi hakamlar brigadasi boshqarib boradi.
Xorvatiya - Meksika bahsini saytimiz orqali yana bir hamyurtingiz Shahboz Beg'amov matnli onlayn tarzida sharhlab boradi!

- Uchrashuv soat 01:00da boshlanadi.

Xorvatiya - Meksika 1:3. MATNLI TRANSLYACIYA