Mana shu sahifada o'yinning mantli translyaciyasi bo'ldi.

Franciya U20 - O'zbekiston U20 - 4:0 (3:0)
6 iyul. Rize. "Yangi Shahar" stadioni.
Hakamlar: Sandro Richchi, Alessandro Rocha, Emerson Karvalo (uchalasi Braziliya), Karlos Vera (Ekvador)

Gollar: Yaya Sanogo 31, - 1:0. Pol Pogba 35 penalti, - 2:0. Florian Tauvin 43 penalti, - 3:0. Kurt Zuma 64, - 4:0.
Franciya U20: 1.Alfons Areola, 2.Dmitri Folker, 4.Kurt Zuma, 5.Samuel Yumtiti, 6.Pol Pogba, 8.Joffri Kondogbia (10.Aksel Ngando, 61), 9.Yaya Sanogo, 11.Jan Kristof Baebek (15.Aleksi Bosetti, 70), 12.Lukas Dinya (3.Per Polomat, 78), 17.Jordan Veretut, 20.Florian Tauvin.
O'zbekiston U20: 1.Asilbek Omonov; 2.Toxir Shamsiddinov; 5.Maksimiliyan Fomin; 6.Abbos Maxstaliev; 7.Vladimir Kozak; 8.Diyorjon Turopov (9.Jaloliddin Masharipov, 59); 11.Abdul Aziz Yusupov (19.Zabihillo O'rinboev, 59); 16.Azamat Abdullaev; 17.Igor Sergeev; 18.Sardor Sobirxo'jaev (13.Kamronbe Kapadze, 65); 20.Muhsinjon Ubaydullaev

Ogohlantirishlar: Maksimiliyan Fomin 14, Toxir Shamsiddinov 34, Sardor Sobirxo'jaev 51, Vladimir Kozak 65.

Chetlatish: Toxir Shamsiddinov 68.

90+2-daqiqa. O'yin tugadi. O'zbekiston yoshlar terma jamoasi Turkiyadagi Jahon chempionatida chorak finalda to'xtadi. Barcha yigitlarga mana shu erga etib kelganliklari uchun RAHMAT! Jamoamizni Turkiyada qo'llab turgan muxlislarga ham katta RAHMAT!

90-daqiqa. Asosiy vaqtga 4 daqiqa qo'shib berildi.

90-daqiqa. Burchak to'pidan so'ng darvozabon to'pni ushlab oldi.

89-daqiqa. Jaloliddin Masharipov raqib jarima maydoniga yorib kirdi, ammo himoyachilar to'pni maydon tashqarisiga chiqarib yuborishdi.

85-daqiqa. Bosettining zarbasi darvoza ustuni yonidan o'tib ketdi...

83-daqiqa. Asilbek Omonov yana o'zini ko'rsatdi.

82-daqiqa. Pogba maydon markazida Sergeevni yiqitdi.

81-daqiqa. Xavfli vaziyat! Aleksi Bosetti to'pni to'xtatmasdan darvozaga yo'llagadi, biroz noaniq.

80-daqiqa. O'zbekistoning hujumi Abbos Maxstalievning noaniq pasi tufayli uzilib qoldi.

78-daqiqa. O'zgarish. Lukas Dinya o'rniga Per Polomat tushdi

76-daqiqa. Vakillarimiz hujum tashkil qilishdi, ammo Masharipovning zarbasi darvozaga bormadi. Qarshi hujumdan so'ng Pogba Ubaydullaevga nisbatan qo'pol o'ynadi.

74-daqiqa. Raqib hujumchisi birga-bir vaziyatda Omonovning yuziga zarba berib yubordi, posbonimizga shifokorlar yordam ko'rsatishmoqda.

73-daqiqa. Chap qanotdan uzatilgan to'pni Abbos Maxstaliev boshi bilan darvozaga yo'lladi, kuchsiz zarbani darvozabon ushlab oldi.

69-daqiqa. O'zgarish. Jan Kristof Baebek o'rniga Aleksi Bosetti tushdi

68-daqiqa. Chetlatish. Toxir Shamsiddinov

66-daqiqa. O'zgarish. Sardor Sobirxo'jaev o'rniga Kamronbe Kapadze tushdi

65-daqiqa. Ogohlantirish. Vladimir Kozak.

64-daqiqa. Burchak to'pidan so'ng Kurt Zuma boshi bilan to'pni darvozaga yo'lladi - 4:0.

64-daqiqa. GOL. 4:0.

61-daqiqa. O'zgarish. Joffri Kondogbia o'rniga Aksel Ngando tushdi

60-daqiqa. Florian Tauvinning kuchli zarbasini Omonov qaytarishga erishdi.

59-daqiqa. O'zgarish. Diyorjon Turopov o'rniga Jaloliddin Masharipov tushdi

59-daqiqa. O'zgarish. Abdul Aziz Yusupov o'rniga Zabihillo O'rinboev tushdi

57-daqiqa. Vakillarimizda jarima to'pi tepish huquqi. Kozakning yo'llagan aniq zarbasi darvozabonning qo'llariga borib tushi.

56-daqiqa. Florian Tauvinning zarbasini Omonov ushlab oldi

52-daqiqa. Francuzlar tezkor hujum tashkil etishdi, ammo berlgan zarba noaniq bo'ldi.

51-daqiqa. Ogohlantirish. Sardor Sobirxo'jaev

47-daqiqa. Xavfli vaziyat. Turopov chap qanotdan to'pni davozaga yo'lladi to'p darvoza ustuni yonidan o'tib ketdi.

46-daqiqa. Ikkinchi bo'lim boshlandi.

----

45+2-daqiqa. Birinchi bo'lim yakunlandi. Franciya - O'zbekiston - 3:0. Tanaffus

45-daqiqa. Birinchi bo'limga 1 daqiqa qo'shib berildi.

45-daqiqa. Himoyachilarimiz hamon o'zlariga kela olishmayapti, Omonov to'pni qaytardi. Unga yordam kerakka o'xshaydi.

43-daqiqa. Florian Tauvin belgilangan penaltini aniq amalga oshirib hisobni yiriklashtirdi - 3:0.

43-daqiqa. GOL. 3:0

42-daqiqa. Yana penalti. Turopov o'z jarima maydoni ichida kutilmaganda to'pni qo'li bilan o'ynadi...

39-daqiqa. Veretut Maxstalievni yiqitgani uchun jarima to'pi belgilandi. Kozakning jarima maydoni ichiga oshirib bergan to'pini bo'ydor himoyachilar qaytarib yuborishdi.

38-daqiqa. Francuzlarning hujumi o'yindan tashqari holat sababli to'xtab qoldi.

37-daqiqa. Pogba maydon markazida Shamsiddinovni yiqitdi.

35-daqiqa. Pol Pogba 11 metrli jarima to'pini aniq amalga oshirdi - 2:0.

35-daqiqa. GOL. 2:0

34-daqiqa. Shamsiddinov jarima maydonimiz ichida Baebekni yiqitdi, hakam penalti belgiladi.

34-daqiqa. Ogohlantirish. Toxir Shamsiddinov

31-daqiqa. Chap qanotdan Baebekning oshirgan to'pini Yaya Sanogo bo'sh darvozaga yo'lladi - 1:0.

31-daqiqa. GOL. 1:0

28-daqiqa. Yoshlarimiz yana hujumga o'tishdi. O'ng qanotdan tashkil etilgan hujumni franciyalik himoyachilar qaytarishdi.

27-daqiqa. Vakillarimiz kam sonli hujumlaridan birini tashkil etishdi. Ammo Kozakning pasiga hujumchilarimiz eta olishmadi.

25-daqiqa. Yana bir burchak to'pi, bu safar Omonov to'pni mushtlari bilan qaytarib yubordi.

24-daqiqa. Francuzlar burchak to'pini amalga oshirishdi, to'p noaniq ketdi. Hujum yakunida Yumtiti darvozaga zarba berdi, to'p futbolchilarimizga tegib maydonni tark etdi.

23-daqiqa. Azamat Abdullaev raqib hujumchisidan to'pni olib qo'ydi, raqib unga nisbatan qoida ham buzdi.

21-daqiqa. Jordan Veretut o'ng tomondan jarima maydonimiz ichiga kirib bordi va zarba berdi, to'p darvoza to'riga tashqi tomondan tegdi...

20-daqiqa. O'zbekiston jarima to'pi tepadi. Chamasi 30 metrlardan Kozak to'g'ri darvozani nishonga oldi, aniq borgan zarbani darvozabon ushlab oldi.

19-daqiqa. Sardor Sobirxo'jaev raqib hujumchisini jarima maydonimiz ichida zararsizlantirdi.

17-daqiqa. Vakillarimiz hujumga o'tishdi. Chap qanotdan boshlangan hujum markazga ko'chdi, ammo Sergeev to'pni to'xtata olmadi.

16-daqiqa. Xavfli vaziyat! Florian Tauvinning bergan zarbasi darvoza ustuniga tegib qaytdi.

15-daqiqa. Raqiblar chamasi 20 metrlardan jarima to'piga ega bo'lishdi. Pogbaning zarbasi darvoza ustidan o'tib ketdi.

14-daqiqa. Ogohlantirish. Maksimiliyan Fomin

11-daqiqa. Raqiblar yana hujum tashkil etishdi. Abdullaev to'pni Kondogbiadan olib qo'ydi, Shamsiddinov esa to'pni raqibdan maydondan chiqib ketishini taminladi.

7-daqiqa. Burchak to'pidan so'ng bo'ydor Pol Pogba boshi bilan to'pni darvozaga yo'lladi, Omonov to'pni qaytardi.

5-daqiqa. Dastlabki daqiqalrada francuzlar ikki marta xavfli vaziyatni tashkil etishdi. To'p darvoza ustuniga ham tegdi.

1-daqiqa. O'yin boshlandi.

19:56. O'ZBEKISTON madhiyasi!

19:55. Franciya davlati madhiyasi.

19:54. Jamoalar maydonga tushib kelishmoqda.

19:30. Ikkala jamoa o'yinoldi chigalyozdi mashqlarini bajarishmoqda.

19:05. Abdurahmon Fozilov boshchiligidagi o'zbekistonlik ishqibozlar "Yangi Shahar" stadioniga kirib kelishdi, nog'oralarni chalib.

Yoshlarimiz Jahon chempionati chorak finalida to'xtashdi