O'zbekiston kubogining 1-turidan olgan “Qo'qon-1912" - "Zamin" (1:1) uchrashuvidan so'ng Zayniddin Tojiev matbuot anjumanida ishtirok etdi.
O'yin haqida
- Og'ir o'yin o'tkazdik. Jamoamiz futbolchilari juda yosh futbolchilardan iborat. Biz uchun katta tajriba bo'ldi. Kelajakda jamoamiz futbolchilari Superligada o'ynashi mumkinligini his qilgan holda raqobat ko'rsata olishdi.
- "Zomin" bu yildan "Zamin"ga aylandi. Jamoa endilikda Toshkent klubi sifatida faoliyat olib boradi. Oldindagi vazifalar qanday?
- Bu xususiy jamoa. Maqsad yosh futbolchilarni tarbiyalab, katta futbolga etkazib berish.
- "Zamin" aslida suniy maydonda mashg'ulotlarni o'tkazadi. Biroq, bugungi o'yinda jamoada bu sezilmadi, aksincha 70-daqiqadan keyin maydonda yuqori faollik namoyish etdi. Bunga nima sabab bo'ldi deb o'ylaysiz?
- Biz bugun ikkinchi raqamli futbol ko'rsatdik. Bunda jamoa ko'p kuch yo'qotadi. Zaxiradan o'yinga qo'shilgan futbolchilar o'yinni etarli darajada kuchaytira olishdi. Suniy maydondan tabiiy maydonning farqi juda katta, yigitlar bugun qiyinchiliklarga duch kelishdi.
- Darvozabon golda xatolikka yo'l qo'ygandi. Lekin tezda o'zini tutib oldi va kerak bo'lsa qahramonlarcha o'yin ko'rsatdi. Bu haqida fikringiz?
- Bizga shu kunlar ichida darvozabonlar murabbiyi ham qo'shiladi. Darvozabonimiz 2007 yilda tug'ilgan yosh futbolchi. Ozroq ishlansa, mehnatkash futbolchi, kelajakda eng yaxshilardan bo'la oladi. Tarkibimizda 2008-2009 yil futbolchilar bor
Izohlar