Ўзбекистон кубогининг 1-туридан олган “Қўқон-1912" - "Замин" (1:1) учрашувидан сўнг Зайниддин Тожиев матбуот анжуманида иштирок этди.
Ўйин ҳақида
- Оғир ўйин ўтказдик. Жамоамиз футболчилари жуда ёш футболчилардан иборат. Биз учун катта тажриба бўлди. Келажакда жамоамиз футболчилари Суперлигада ўйнаши мумкинлигини ҳис қилган ҳолда рақобат кўрсата олишди.
- "Зомин" бу йилдан "Замин"га айланди. Жамоа эндиликда Тошкент клуби сифатида фаолият олиб боради. Олдиндаги вазифалар қандай?
- Бу хусусий жамоа. Мақсад ёш футболчиларни тарбиялаб, катта футболга етказиб бериш.
- "Замин" аслида сунъий майдонда машғулотларни ўтказади. Бироқ, бугунги ўйинда жамоада бу сезилмади, аксинча 70-дақиқадан кейин майдонда юқори фаоллик намойиш этди. Бунга нима сабаб бўлди деб ўйлайсиз?
- Биз бугун иккинчи рақамли футбол кўрсатдик. Бунда жамоа кўп куч йўқотади. Захирадан ўйинга қўшилган футболчилар ўйинни етарли даражада кучайтира олишди. Сунъий майдондан табиий майдоннинг фарқи жуда катта, йигитлар бугун қийинчиликларга дуч келишди.
- Дарвозабон голда хатоликка йўл қўйганди. Лекин тезда ўзини тутиб олди ва керак бўлса қаҳрамонларча ўйин кўрсатди. Бу ҳақида фикрингиз?
- Бизга шу кунлар ичида дарвозабонлар мураббийи ҳам қўшилади. Дарвозабонимиз 2007 йилда туғилган ёш футболчи. Озроқ ишланса, меҳнаткаш футболчи, келажакда энг яхшилардан бўла олади. Таркибимизда 2008-2009 йил футболчилар бор
Изоҳлар