Бунга қадар 6та стадион ҳақида маълумот бергандик.

“Арена де Коринтианс” (Сан Паулу)
“Арена дас Дунас” (Натал)
“Эстадио Кастелан” (Форталеза)
"Арена Амазония" (Манаус)
"Бразилия миллий стадиони" (Бразилиа)
"Арена Пернамбуку" (Ресифи)

Бугун эса Салвадор шаҳридаги “Фонте-Нова” стадиони ҳақидаги маълумотлар билан танишинг.

Ушбу стадион ўтган йилги Конфедерациялар кубогига яқин қолганида қуриб битказилган. Арена "Баия" клубига берилган. Фақат футболга мосланган ушбу стадион 3 йил ичида тўлиқ битказилганди.

Янги стадион 1951 йил қурилган "Эштадиу Фонте Нова" стадионининг ўрнида қурилди.

Собиқ стадионда фожиалар ҳам бўлиб турган. "Баиа" ва "Вила Нова" ўртасидаги баҳсга 60 000 томошабин келганди. Стадионнинг трибуналаридан бири қулаб тушган ва оқибатда 7 киши ҳалок бўлганди. Бир неча кун ўтгач "Эштадиу Фонте Нова" бузиб ташланган. Аренани 2010 йил октябрь ойида бузиш бошланган, унинг ўрнида янги замонавий 55 минг томошабин учун мўлжалланган "Arena Fonte Nova" қад ростлади. ЖЧ-2014 вақтида эса 48 747 одам бу стадионда футбол кўра олади.

Бу ерда ЖЧ-2014нинг жами олтита (4та гуруҳ босқичи, биттадан 1/8 финал ва 1/4 финалнинг) ўйини бўлиб ўтади.

Тўлиқ номи: "Itaipava Arena Fonte Nova"
Қурилиш бошланган: 2010
Стадион қуриб бўлинган: 2013 йил 7 апрель
Стадион эгаси: Баиа штати ҳокимияти
Стадион сиғими: 48 747
Майдон узунлиги: 105х68
Стадион расмий сайти: itaipavafontenova.com.br

Қизилқарли фактлар
Ушбу стадионни қуришдан олдин Голландиянинг "Амстердам АренА" стадиони архитекторлари билан фикр алмашишган.

Стадионда ЖЧ-2014дан сўнг Олимпиада-2016 ўйинлари ҳам бўлиб ўтади.

Стадион пивони реклама қилади. Жаҳон чемпионати ўтмаётган вақтда стадион номига "Itaipava" сўзи қўшилади. Бу ҳамкорлик 10 йил учун 100 миллион долларга мўлжалланган.

Айнан шу стадион қуриб бўлинганидан икки ой ўтганидан сўнг кучли ёққан ёмғир натижаси стадион томининг бир қисми қулаб тушганди.

Бу стадиондаги барча ўйинлар:
13 июнь
Испания - Голландия

16 июнь
Германия - Португалия

20 июнь
Швейцария - Франция

25 июнь
Босния ва Герцеговина - Эрон

1 июль
1/8 финал (H1 - G2)

5 июль
1/4 финал

Нарзулла Сайдуллаев тайёрлади.

ЖЧ-2014 стадионлари. “Фонте-Нова” (Салвадор)