Ammo turnir 16 jamoadan iborat bo'lishi kerak edi. Shu boisdan tashkiliy qo'mita saralash o'yinlarini o'tkazishni maqul ko'radi. Garchand mezbon bo'lsa-da, saralash o'yinlarida Italiya terma jamoasini o'zi ham qatnashadi. Saralash o'yinida Xavining bobolari Krishtanu Ronalduning bobolarini 9:0 hisobida mag'lubiyatga uchratadi.

Evropaliklar ko'p ham birinchi jahon chempionatida ishtirok etishni istamaganlari uchun Urugvay ikkinchi mundialda qatnashishdan bosh tortadi. Boliviya va Paragvay ham Urugvayning yo'lini tanlaydilar, natijada Argentina va Braziliya terma jamoalari saralash bosqichisiz katta forumga yo'l oladilar. Italiyani o'zi esa "San Siro"da Greciyani 4:0 hisobda mag'lubiyatga uchratadi. Ikkinchi o'yinni greklar yirik mag'lubiyatdan qochib qolish uchun

U paytlar legioner futbolchi tushunchasi deyarli bo'lmasdi. Shunga bo'lsa kerak, ikki mamlakat tarkiblarini ko'rib chiqar ekanman, ko'zimga legionerlar tashlandi.
Braziliyada ikki, Chexoslavakiyada esa bir nafar futbolchi o'zga chempionat qatnashchisi bo'lgan. Chex Yozef Silniy Franciyaning "Nim" Olimpik jamoasida, braziliyaliklardan Patesko "Nasonal", Luis dos Santos Lus esa "Penyarol" faoliyat olib borishgan. Bu ikki klub Urugvay ligasida ishtirok etar edi.

Bu safargi musobaqa pley-off tizimida o'tkazildi. 1/8 finaldan so'ng 1/4 finalga chiqqan barcha 8 terma jamoa UEFA vakillar edi.

1/8 final
Ispaniya - Braziliya - 3:1
Vengriya - Misr - 4:2
Shveycariya - Gollandiya - 3:2
Italiya - AQSH - 7:1
Chexoslovakiya - Ruminiya - 2:1
Shveciya - Argentina - 3:2
Avstriya - Franciya - 3:2 (q.v.)
Germaniya - Belgiya - 5:2

Italiya - AQSH uchrashuviga sharh berar ekan, "The New York Times" agar amerikaliklar posboni Chikago Uanderbolts bo'lmaganida hisob bundan ham yirik bo'lishi mumkinligini yozadi. Argentina 4 yil avval finalga etib borgan tarkibidan bironta futbolchini Italiyaga olib kelmagan edi. Aksiga olib JCH-30 qahramonlaridan biri bo'lgan Monti bu safargi mundialda Italiya sharafini himoya qilayotgan edi.

1/4 finalda to'qnash kelgan Italiya - Ispaniya uchrashuvi 1:1 hisobida yakuniga etadi. Hakamlarning katta yordami bilan maydon egalarining ko'plab follari beetibor qoladi. O'yin yakuniga etganida ikki jamoadan bir nafardan futbolchilar, darvozabon Rikardo Samaro va Mario Picciolo o'yinni erta yakunlaganlar. U paytlar zaxira futbolchisini tushirish degan qoida amalda bo'lmagan. Bugungi kunda Ispaniyada eng yaxshi posbonga aynan, Samaro nomidagi unvon taqdim etiladi. Picciolo uchun mazkur o'yin terma jamoa safidagi so'nggisi bo'lgan. Penalti tushunchasi bo'lmagan JCHda, g'olib ikkinchi o'yinda aniqlangan. Takroriy uchrashuvda Italiya terma jamoasi 1:0 hisobda zafar quchdi. O'yin yakuniga etguniga qadar Ispaniya terma jamoasining 3 nafar futbolchisi safdan chiqib ketgan. Bahsdagi yagona golga Juzeppe Meacca mualliflik qilgan. Ha, bu aynan biz bilgan mashhur futbolchi. Milandagi "San Siro" stadioni aynan shu kishinining nomi bilan ham ataladi.

Italiyaning chempion bo'lishida o'sha paytda davlat rahbari bo'lgan Mussolinini roli katta bo'lgan. Hattoki u Italiya terma jamoasi ishtirokidagi barcha o'yinlarga hakamlarni o'zi tayinlagan. Shuning uchun musobaqa yakuniga etgach, ikki nafar hakam o'yinda Italiya foydasiga qaror chiqarganligi uchun o'z mamlakatida diskvalifikaciya qilindilar. Final oldidan Mussolini echinish xonasiga kirib, futbolchilariga g'alaba qozonmasalar hayot bilan vidolashishlarini aytgan.

"YO hayot, yo mamot" shiori ostida maydonga tushgan moviy gvardiyachilar 70-daqiqada o'z darvozalaridan to'p olib chiqadilar. 45 000 nafar tomoshabin qarshisida Rimda bo'lib o'tgan o'yinni shveciyalik hakam Ivan Eklind boshqaradi. O'yin to'liq Chexoslavakiyaning tashabbusi ostida o'tadi. Hisob yanada yirikrok qo'rinisholishi mumkin bo'lgan uchrashuvda Italiya terma jamoasi posboni Kombi bir necha vaziyatlarda damoasini muqarrar gollardan qutqarib qoladi. Hatto shunday gaplar yuradiki, "sen urmasang, senga urishadi" atamasi aynan shu o'yindan keyin ishlatila boshlangan. Sababi 81-daqiqada Orsi kutilmaganda hisobni tenglashtiradi. Qo'shimcha daqiqalarda Italiya ustozi Vittorio Pocconing mehnati o'z samarasini beradi. Murabbiy JCH oldidan jamoasini jismoniy holatiga jiddiy etibor bergan edi. Qo'shimcha daqiqalarda aynan shu narsa maydon egalarining g'alabasini taminlagan. 95-daqiqada o'yinni jarohati bilan o'tkazgan Meacca uradi va futbochlilar murabbiylarini qo'llariga ko'targancha stadiondan olib chiqib ketadilar.

Aslida turnir tashkilotchilari, 2-jahon urishini tashkilotchilari, Germaniya va Italiyani finalda ko'rishni istagan edilar. Ammo nemislar yarim finalda Chexoslavakiyaga 3:1 hisobda imkoniyatni boy berib qo'ygan edilar. Final o'yinidan keyin shveciyalik referini yillar davomida sharmandagarchilikda ayblaganlar.

1/4 final
Avstriya - Vengriya - 2:1
Italiya - Ispaniya - 1:1 (d.v.)
qayta o'yin
Italiya - Ispaniya - 1:0
Germaniya - Shveciya - 2:1
Chexoslovakiya - Shveycariya - 3:2

1/2 final
Italiya - Avstriya - 1:0
Chexoslovakiya - Germaniya - 3:1

3-o'rin uchun
Germaniya – Avstriya 3:2
Gollar: Lener, 1, 42, Konen, 27 – Xorvat, 28, Sesta, 54

Final
Italiya – Chexoslovakiya 2:1 (q.v)
Gollar: Orsi, 81, Skyavio, 95 – Puch, 71
Italiya: Kombi, Moncelo, Allemandi, Ferraris, Monti, Bertolini, Guaita, Meacca, Skyavio, Ferrari, Orsi
Chexoslovakiya: Planichka, Chtirjoki, Jenishek, Koshtalek, Chambal, Krchil, Yunek, Svoboda, Sobotka, Needli, Puch

To'purarlar: Oldrjix Needli (Chexoslovakiya) – 5, Edmund Konen (Germaniya), Andjelo Skyavio (Italiya) – 4tadan.

Xorij malumotlari asosida
Nodirxo'ja Yuldashev

JCHga 19 kun qoldi: Italiya - 1934!