Қатар термаси сафида Алмоез Али гуруҳ босқичининг ўзидаёқ 7та гол уришга муваффақ бўлган эди. "Ал Дуҳайл" клубининг 22 ёшли ҳужумчиси ярим финалда БАА дарвозасига битта гол урди ва Осиё Кубоклари тарихидаги энг яхши тўпурар Али Дайига етиб олганди. Эронлик собиқ тўпурар 1996 йилги Осиё Кубогида 8 бор рақиблар дарвозасини ишғол қилганди.

Финалда Японияга қарши учрашувда ҳисобни очган Алмоез Осиё Кубоклари мутлақ рекордчисига айланди. Яъни у битта Осиё Кубогида энг кўп гол урган футболчига айланиб олди.

Маълумот учун, Алмоезз Али 1996 йилнинг 19 августида туғилган. У Қатар терма жамоасида илк учрашувини 2016 йилнинг 8 август куни Ироққа қарши ўтказган.

Битта Осиё Кубогида энг кўп гол урган футболчилар
Алмоез Али (Қатар) - 9та гол, 2019 йил
Али Дайи (Эрон) - 8та гол, 1996 йил
Беҳташ Фариба (Эрон) - 7та гол, 1980 йил
Чой Сун Хо (Ж.Корея) - 7та гол, 1980 йил

Алмоез Али - Осиё Кубокларининг мутлақ рекордчиси!