Ушбу учрашувдан кейин манкунианликлар бош мураббийи Рубен Аморим ўз фикрларини билдирди.

"Албатта, биз ғалаба қозонишни истаймиз. Лекин биз ўйиннинг боришини назорат қила олмадик. "Брентфорд" майдонида футбол ўйнашга ҳаракат қилдик. Биринчи ва иккинчи голлар стандарт ҳолатлар бўлиб қолди. Ўйиннинг асосий вазиятлари бизга қарши ишлади. Мағлуб бўлиш оғир, энди кейинги ўйин ҳақида ўйлаш керак.
Биринчи гол узун пасдан кейин урилди. Бу борада биз кўп ишлагандик, шунингдек, стандартлар бўйича ҳам кўп меҳнат қиляпмиз. Рақиблар узун паслар орқали ўйнашини билардик. Яхшироқ ўйнашимиз керак.
Биз ўз ўйинимизни кўрсата олмадик. Ўйиндаги фақатгина бир неча вазиятни назорат қила олдик. Бироқ умуман олганда барчаси бир хил ўтди. Ўз ўйинимизни кўрсатишимиз керак. Биз бугун рақиб футболига мослашиб қолдик", - деди Аморим.

Аморим: "Юнайтед" ғалаба қозонишни истайди, бироқ..."