“Андижон” олий лигадан тушиб кетиши аниқ бўлди, мен ишлашда давом этаман. Барча мухлисларимизга қўллаб-қувватлаб туришгани учун раҳмат айтаман. Бугунги ўйин бўлиб ўтган майдон бизга қийинчилик туғдирди. Баҳс оғир кечди, узун паслар билан ўйнашга уриндик. Рақиб жамоаси ўзида юзага келган илк вазиятдан унумли фойдаланди ва гол уриб ғалаба қозонди. Ўз футболчиларимга ҳам миннатдорчилик билдирмоқчиман. Жамоа биринчи лигага тушиб кетиши деярли маълум бўлса ҳам йигитлар охиригача курашдик”, - деб гап бошлади Гесс.

- Биринчи лигада ҳам шу таркиб ўйнайдими?
- Йўқ, сабаби энди бюджетимиз бошқача бўлиши аниқ. Шу боис бир қатор футболчилар билан хайрлашамиз. Жамоа кейинги йил биринчи лигада муваффақиятли иштирок этиш учун жамоа тузамиз.

- Энди сўнгги икки турда футболчиларни қандай руҳлантира оласиз?
- Футболчиларим профессионал. Ҳали яна иккита баҳс бор, бу ўйинларга муносиб ўйин намойиш этишга уринамиз. Стадионга иккита мухлис келадими ёки 10 минг нафарми фарқи йўқ. Улар учун ўйнаймиз. Мен бу жамоага келаётганимдаёқ “Андижон” биринчи лигага тушиб кетишини билгандим. Бироқ шундай бўлса ҳам келдим ва жамоани яна оёққа турғазиш учун ҳаракат қилдим. Агар кейинги йил биринчи лигадан олий лигага қайта олсак кучли жамоа бўлиб қайтишни ўз олдимизга мақсад қилиб қўйганмиз.

- “Бухоро” ва “Сўғдиёна” жамоалардан қайси бири олий лигани тарк этади?
- Ҳозирча орадаги фарқ 2 очкони ташкил этмоқда. Бу яхшигина фарқ. Сабаби икки тур қолди. Менимча жуда қизиқарли жанг кечади.

- Бугун “Реал” ва “Барселона” ўртасидаги баҳс бўлиб ўтади. Сиз кимга мухлислик қиласиз?
- Мен “Барселона”га мухлислик қиламан, лекин “Реал” ютса керак (кулади). “Реал” сўнгги вақтларда жуда кучли ўйин намойиш этмоқда.

Эдгар Гесс: "Барселона”га мухлислик қиламан, лекин “Реал” ютса керак"