“Andijon” oliy ligadan tushib ketishi aniq bo'ldi, men ishlashda davom etaman. Barcha muxlislarimizga qo'llab-quvvatlab turishgani uchun rahmat aytaman. Bugungi o'yin bo'lib o'tgan maydon bizga qiyinchilik tug'dirdi. Bahs og'ir kechdi, uzun paslar bilan o'ynashga urindik. Raqib jamoasi o'zida yuzaga kelgan ilk vaziyatdan unumli foydalandi va gol urib g'alaba qozondi. O'z futbolchilarimga ham minnatdorchilik bildirmoqchiman. Jamoa birinchi ligaga tushib ketishi deyarli malum bo'lsa ham yigitlar oxirigacha kurashdik”, - deb gap boshladi Gess.

- Birinchi ligada ham shu tarkib o'ynaydimi?
- Yo'q, sababi endi byudjetimiz boshqacha bo'lishi aniq. Shu bois bir qator futbolchilar bilan xayrlashamiz. Jamoa keyingi yil birinchi ligada muvaffaqiyatli ishtirok etish uchun jamoa tuzamiz.

- Endi so'nggi ikki turda futbolchilarni qanday ruhlantira olasiz?
- Futbolchilarim professional. Hali yana ikkita bahs bor, bu o'yinlarga munosib o'yin namoyish etishga urinamiz. Stadionga ikkita muxlis keladimi yoki 10 ming nafarmi farqi yo'q. Ular uchun o'ynaymiz. Men bu jamoaga kelayotganimdayoq “Andijon” birinchi ligaga tushib ketishini bilgandim. Biroq shunday bo'lsa ham keldim va jamoani yana oyoqqa turg'azish uchun harakat qildim. Agar keyingi yil birinchi ligadan oliy ligaga qayta olsak kuchli jamoa bo'lib qaytishni o'z oldimizga maqsad qilib qo'yganmiz.

- “Buxoro” va “So'g'diyona” jamoalardan qaysi biri oliy ligani tark etadi?
- Hozircha oradagi farq 2 ochkoni tashkil etmoqda. Bu yaxshigina farq. Sababi ikki tur qoldi. Menimcha juda qiziqarli jang kechadi.

- Bugun “Real” va “Barselona” o'rtasidagi bahs bo'lib o'tadi. Siz kimga muxlislik qilasiz?
- Men “Barselona”ga muxlislik qilaman, lekin “Real” yutsa kerak (kuladi). “Real” so'nggi vaqtlarda juda kuchli o'yin namoyish etmoqda.

Edgar Gess: "Barselona”ga muxlislik qilaman, lekin “Real” yutsa kerak"