"Женоа" "Эвертон" ва Англия терма жамоаси собиқ футболчиси Деле Аллига қизиқиш билдирмоқда.

28 ёшли ярим ҳимоячи июль ойи бошида "ирислар"ни тарк этганидан бери эркин агент саналади.

Шу тариқа Генуя клуби украиналик Руслан Малиновский узоқ муддатга сафдан чиққанидан сўнг майдон марказидаги муаммони ҳал қилишга уринмоқда.

Алли "Тоттенхэм" ва "Бешиктош"даги ўйинлари билан танилган. Ярим ҳимоячи Англия терма жамоаси сафида 37 ўйин ўтказиб, 3 та гол урган.

"Женоа" А Серия турнир жадвалида 16-ўринда бормоқда. Альберто Жилардино шогирдлари 5 октябрь куни навбатдаги тур доирасида "Аталанта" билан баҳс юритади.

"Женоа" Деле Аллини футболга қайтармоқчи