"The Guardian" хабарига кўра, агарда жамоанинг натижалари жуда ёмон, провал ҳолатга келиб қолмаса, мураббий истеъфога чиқарилмайди. Айни дамда Жим Рэтклифф ҳамда Дэйв Брейлсфорд трансферлар сиёсатини тўлиқлигича қўлига олган. Улар аввалига ўзгаришларни назорат қилишлари керак. Шундан кейин улар бош мураббийга вазифа юклайди.

Жим энг аввало ўзи сармоя киритадиган футболчилар, мураббийлар штаби, ишчи-ходимларни синовдан ўтказади. Улар Англия чемпионлиги йўлига қайтиш, Европада топ-жамоа бўлиш амбицияларини тушунтириб, бирга ишлай олиши мумкинлигини кўриб чиқади.

Жуда катта тахлиллардан кейингина тен Хагнинг келажаги борасида қарор қабул қилинади.

Олдинроқ тен Хаг ҳамда Рэтклифф ўзаро учрашгани борасида маълумотлар тарқаганди. Мураббийнинг ўзи бунга ижобий жавоб берганди: "Барча саволларда бир хил фикрладик. Менимча, ишлашда давом этаман".

Айни дамда "Юнайтед" АПЛ турнир жадвалида 31 очко тўплаган ҳолда 8-ўринни эгаллаб турибди. Жамоа ЕЧЛ ва Англия Лига Кубогидан чиқиб кетиб бўлди.

Жим Рэтклифф Эрик тен Хагни қўллаб-қувватлайди