"Бугун мухлисларга ёқадиган ҳужумкор ўйин гувоҳига айландик деб ўйлайман. Дастлабки 10-15 дақиқаликда киришиб олиш қийин кечди, кейин ўйинни ўз қўлимизга олдик. Амалга оширган захираларимиз ҳам самара берди",- дейди Камолиддин Тожиев.
- "Пахтакор" аввалги ўйинларга қараганда сермаҳсуллик кўрсатди. Олдинги чизиқда кўп гол урди. Бу рақибнинг очиқ ўйин кўрсатгани билан боғлиқми ёки барчаси шунчаки идеал бўлдими?
- "Андижон"нинг ўйинларини таҳлил қилган эдик. Қолаверса, ўзимиз ҳам ҳужумкор тактикада 4та ҳимоячи билан майдонга тушдик. Гол уришимиз керак эди. Олдинда ОЧЛ учрашуви кутиб турибди. Олдинги чизиқдаги ўйинимизни кўриб олишни режа қилгандик.
- Отабек Жўрақўзиевнинг ўйинида пасайиш бордек таассурот қолдирмоқда...
- "Пахтакор"га ҳамма ҳам келиб бирданига ўйнаб кетмайди. Янги жамоага мослашиш керак. Унинг устида ишлаяпмиз.
- Захирадан майдонга тушган Муҳаммадали Ўринбоевдан кўнглингиз тўлдими? Диёр Ҳолматов нима учун кўринмади?
- Муҳаммадали Ўринбоевдан кўнглимиз тўлди. Захирадан майдонга тушди ва гол урди. Агар шундай давом этса ҳамма ўйинда имконият олиши мумкин. Диёр Ҳолматов жароҳатини даволамоқда.
- Дилшод Саитов биринчи бўлимда кўп хатога йўл қўйганига муносабатингиз?
- Анча вақтдан бери ўйнамагани учун киришиб кета олмади. У кўпроқ ўйнаши керак ва шу орқали ишончни орттириб олади.
Изоҳлар