- Қизиқарли ўйин бўлди. Йигитларнинг олдига қўйилган мақсад бажарилди. Барча ўз даражасида ўйнади. Биринчи бўлимда ўйинни назорат қилдик. Иккинчи бўлимда эса гол ўтказиб юбормаслик учун ҳимояда ўйнадик. Йигитларга раҳмат айтаман.
- "Пахтакор" ўтган турда "Нефтчи"га мағлуб бўлганида бугунгидек ўйнамади. Бунга нима сабаб бўлди?
- "Нефтчи" билан ўйиндан олдин ҳам барчамиз бир-биримиз билан гаплашиб олгандик. Барчаси яхши эди. Менимча, Самарқанддаги мағлубият сабабли йигитларнинг ўйини бироз ўхшамади.
- Умуман олганда бугун илк марта "навбаҳор" мухлислари "Пахтакор" футболчиларини қарсак билан кузатиб қўйишди. Бундай ҳолатлар олдинлари рўй бермасди. Бу ҳақида нима дея оласиз?
- Авваламбор, шуни айтишим керакки, "Навбаҳор" мухлислари Ўзбекистонда биринчи ўринда туришади. Уларга ўйин ёққандир. Бугун ғолиб жамоа тўғри ютгани учундир, уларга бу маъқул келган.
- Ғалаба билан табриклайман. Учрашувдан олдин Максим Шацкихнинг трибунада ўтириши ҳам муаммо бўлиши айтилганди. У ўйинни қандай кузатди, футболчиларни алмаштиришда у ёрдам бериб турдими?
- Унинг стадионга кириши муаммо бўлмади. Бироқ кийим алмаштириш хонасига кира олмасди. Бизда рация бор, шу орқали алоқани ушлаб турдик.
- Жамоанинг янги футболчиси Кухарчик қайдномага ҳам киритилмабди. Бунинг сабаби нима?
- Унинг жароҳати бор. У Тошкентдаги машғулотда кичик жароҳат орттириб олганди.
- Унинг трансферига қандай қарайсиз? "Пахтакор"га келгунича у ярим йил жамоасиз қолиб кетган.
- Унинг ўйинларини кўрдик. У ўз маҳоратини ҳали барчага намойиш қилади.
- Кетма-кет икки ўйинлик мағлубиятдан кейин жамоани рухий тушкунликдан олиб чиқиш, жамоани тайёрлаш қандай бўлди?
- "Навбаҳор" ҳам кучли жамоа. Жамоани рухан тайёрлаш шарт эмас. Барча бу ўйиннинг шиддатли бўлишини билиб турибди. Йигитларнинг ўзлари ўзларини тайёрлашади.
Изоҳлар