Учрашувнинг энг яхши футболчиси бўлган Эвертон Рибейро ҳам Космин Олариуга ҳамрохлик қилди.

"Бугун биз учун жуда қийин ўйин бўлди. Биз бугун учрашувда ғалаба қозониш учун жуда кўп тер тўкдик. Лекин шунга қарамасдан ғалаба қозондик ва бундан хурсандмиз", - дейди ғалаба тўпи муаллифи бўлган Эвертон Рибейро.

"Насаф" билан ўйин жуда агрессив тарзда кечди. Биринчи бўлимда рақиб дарвозани ишғол эта олмаганимиз учун, иккинчи бўлимда янада ҳужумкорлик ўйин кўрсатишлари кераклигини футболчиларга таъкидлагандим. Улар бу ишни яхши амалга оширишди ва иккинчи таймда биз катта устунликка эга бўлдик. Бугун биз жуда муҳим ғалабани қўлга киритдик", - дея гап бошлади Космин Олариу.

- Эвертон Рибейрони нега бошланғич таркибда киритмадингиз?

- Сўнгги пайтларда жуда кўп ўйин ўтказаётганимиз сабабли уни захирада қолдиргандим ва бу орқали унги бироз дам олишига имконият яратиб бергандим.

- Статистикага кўра, "Насаф" бугун 13 бор ўйин қоидасини бузди. "Ал Аҳли" эса деярли икки баробар кўпроқ, яъни 25 маротаба ўйин қоидасини бузишди. Нега бу қадар қўпол ўйнадинглар?

- Асосий сабаб биз кучли рақибга қарши ўйнадик. "Насаф" юқори савиядаги жамоа саналади. Статистика ўз йўлига. Бугун бизга осон бўлгани йўқ. Стадиондаги муҳит мезбонлар учун анча фойда келтирди. Ишқибозларнинг олқиши ҳам "Насаф"га жуда кўп ёрдам берди. Биз у қадар қўпол ўйнадик дея олмайман. Бу футбол.

Космин Олариу: "Жуда муҳим ғалабани қўлга киритдик"