Uchrashuvning eng yaxshi futbolchisi bo'lgan Everton Ribeyro ham Kosmin Olariuga hamroxlik qildi.

"Bugun biz uchun juda qiyin o'yin bo'ldi. Biz bugun uchrashuvda g'alaba qozonish uchun juda ko'p ter to'kdik. Lekin shunga qaramasdan g'alaba qozondik va bundan xursandmiz", - deydi g'alaba to'pi muallifi bo'lgan Everton Ribeyro.

"Nasaf" bilan o'yin juda agressiv tarzda kechdi. Birinchi bo'limda raqib darvozani ishg'ol eta olmaganimiz uchun, ikkinchi bo'limda yanada hujumkorlik o'yin ko'rsatishlari kerakligini futbolchilarga takidlagandim. Ular bu ishni yaxshi amalga oshirishdi va ikkinchi taymda biz katta ustunlikka ega bo'ldik. Bugun biz juda muhim g'alabani qo'lga kiritdik", - deya gap boshladi Kosmin Olariu.

- Everton Ribeyroni nega boshlang'ich tarkibda kiritmadingiz?

- So'nggi paytlarda juda ko'p o'yin o'tkazayotganimiz sababli uni zaxirada qoldirgandim va bu orqali ungi biroz dam olishiga imkoniyat yaratib bergandim.

- Statistikaga ko'ra, "Nasaf" bugun 13 bor o'yin qoidasini buzdi. "Al Ahli" esa deyarli ikki barobar ko'proq, yani 25 marotaba o'yin qoidasini buzishdi. Nega bu qadar qo'pol o'ynadinglar?

- Asosiy sabab biz kuchli raqibga qarshi o'ynadik. "Nasaf" yuqori saviyadagi jamoa sanaladi. Statistika o'z yo'liga. Bugun bizga oson bo'lgani yo'q. Stadiondagi muhit mezbonlar uchun ancha foyda keltirdi. Ishqibozlarning olqishi ham "Nasaf"ga juda ko'p yordam berdi. Biz u qadar qo'pol o'ynadik deya olmayman. Bu futbol.

Kosmin Olariu: "Juda muhim g'alabani qo'lga kiritdik"