Ярим ҳимоячи Ўзбекистон терма жамоаси билан машғулотларни ўтказиб туриб, "Ал Шабаб" - "Ал Айн" ўйинига бирровга бориб келади. Мазкур ўйинда "Ал Шабаб"га омад тилаймиз.

Машғулотлар яна "Ал Васл" клубига қарашли майдонда бўлиб ўтди. Тоннгисида тўп билан ишланмади. Футболчиларимиз машғулотга кетишга тайёргарлик кўраётган бир пайтда, рус ва ўзбек тилида гаплашаётганимизни кўрган бир киши, Ўзбекистондан келганимиз билан қизиқди. Кейин билсам, у қозоғистонлик сайёҳ экан. Бу Ўзбекистоннинг миллий терма жамоаси эканлигини билгач, Миржалол Қосимов билан қизиқди. Ўзи "Тараз" мухлиси экан, Фарҳод Тожиевни эслай олмади. Аммо Улуғбек Бақоевни жуда яхши танишини айтди. Унинг айтишича Бақоевни Қозоғистон чемпионатида тутган ўрни жуда катта, унча мунча легионер унга тенг келмаган ва узоқ мавсум бир савияда тўп тепмаган.

Тўлиқ терма жамоа билан бирга бўлаётганлигим боис, атрофга разм солишга вақт йўқ. Аввалги кундаликлар нима учун воқеаларга бой бўлганди, деярли ҳар куни бирон-бир тадбирда иштирок этаётган эдик. 3 кундан бошлаб футболчиларимиз билан интервью қилишни бошлаб юбордим. Илк меҳмон Шавкат Муллажонов бўлди. "Шава" Анзур Исмоилов билан бир хонада турибди. Анзур билан "Пахтакор"да икки йил бирга ишлаганмиз. Зўр бола, анча босиқ. Интервьюдан аввал бироз ҳазиллашдик, уердан-буердан гаплашдик.

Терма жамоанинг кундалик режаси шундай: Нонушта - Машғулот - Тушлик - Уйқу учун 2 соат - машғулот - тунги таом ва яна уйқу... Кўчага чиқишга вақт йўқ, шундай экан баъзи бировлар, булар дам олиб юрибди деб асабга ўйнамасалар бўларди. Коментга қўшиб, ўзлари ўчиб кетганлар сўнгги пайтларда кўпайиб кетяпти. Биз учун шу керак деб ўйлайсизми?

Қайси футболчини телефонига қараманг, барчасида кўк рангли фонга кўзингиз тушади. Нима экан бу деб яқинроқ қарасангиз, "CA" бўлади.

Нодирхўжа Юлдашев

Кундалик №3. Сафимиз биттага кўпайди