Yarim himoyachi O'zbekiston terma jamoasi bilan mashg'ulotlarni o'tkazib turib, "Al Shabab" - "Al Ayn" o'yiniga birrovga borib keladi. Mazkur o'yinda "Al Shabab"ga omad tilaymiz.

Mashg'ulotlar yana "Al Vasl" klubiga qarashli maydonda bo'lib o'tdi. Tonngisida to'p bilan ishlanmadi. Futbolchilarimiz mashg'ulotga ketishga tayyorgarlik ko'rayotgan bir paytda, rus va o'zbek tilida gaplashayotganimizni ko'rgan bir kishi, O'zbekistondan kelganimiz bilan qiziqdi. Keyin bilsam, u qozog'istonlik sayyoh ekan. Bu O'zbekistonning milliy terma jamoasi ekanligini bilgach, Mirjalol Qosimov bilan qiziqdi. O'zi "Taraz" muxlisi ekan, Farhod Tojievni eslay olmadi. Ammo Ulug'bek Baqoevni juda yaxshi tanishini aytdi. Uning aytishicha Baqoevni Qozog'iston chempionatida tutgan o'rni juda katta, uncha muncha legioner unga teng kelmagan va uzoq mavsum bir saviyada to'p tepmagan.

To'liq terma jamoa bilan birga bo'layotganligim bois, atrofga razm solishga vaqt yo'q. Avvalgi kundaliklar nima uchun voqealarga boy bo'lgandi, deyarli har kuni biron-bir tadbirda ishtirok etayotgan edik. 3 kundan boshlab futbolchilarimiz bilan intervyu qilishni boshlab yubordim. Ilk mehmon Shavkat Mullajonov bo'ldi. "Shava" Anzur Ismoilov bilan bir xonada turibdi. Anzur bilan "Paxtakor"da ikki yil birga ishlaganmiz. Zo'r bola, ancha bosiq. Intervyudan avval biroz hazillashdik, uerdan-buerdan gaplashdik.

Terma jamoaning kundalik rejasi shunday: Nonushta - Mashg'ulot - Tushlik - Uyqu uchun 2 soat - mashg'ulot - tungi taom va yana uyqu... Ko'chaga chiqishga vaqt yo'q, shunday ekan bazi birovlar, bular dam olib yuribdi deb asabga o'ynamasalar bo'lardi. Komentga qo'shib, o'zlari o'chib ketganlar so'nggi paytlarda ko'payib ketyapti. Biz uchun shu kerak deb o'ylaysizmi?

Qaysi futbolchini telefoniga qaramang, barchasida ko'k rangli fonga ko'zingiz tushadi. Nima ekan bu deb yaqinroq qarasangiz, "CA" bo'ladi.

Nodirxo'ja Yuldashev

Kundalik #3. Safimiz bittaga ko'paydi