Учрашув мезбонлар учун омадсиз бошланди. 12-дақиқада чап қанотдан бошланган тезкор ҳужум майдон марказига кейинчалик ўнг қанотга кўчди. Ва айнан шу қанотдан “Насаф” жарима майдончасига кириб келган Игорь Рогованов дарвозабон билан деярли бирга бир вазиятга чиқиб борди ва осонлик билан ҳисобни очди.

Голдан кейин мезбонлар ташаббус ўз қўлларига олишга ҳаракат қилишди. Айниқса, Санжар Баратовнинг бирин-кетин рақиб футболчиларини алдаб йўллаган зарбасини Никита Рибкин қийинчилик билан қайтариб юборишга эришди.

Иккинчи бўлимда жамоамиз таркибда бир қатор ўзгаришларни амалга оширилгач, бу тез орада ўз самарасини берди. 53-дақиқада Санжар Баратов чап қанотдан рақиб жарима майдончасига ёриб кирди ва тўпни қарама-қарши қанотдаги шеригига узатди. Захирадан майдонга тушган Дониёр Нарзуллаев тўпга бир тегишдаёқ мувозанатни тиклади – 1:1.

Шундан кейин ташаббусни ўз қўлларига олган мезбонлар Никита Рибкин дарвозаси олдида кўплаб хавфли вазиятларни яратишди. Аммо фақатгина ўйин охирларига келиб ёш футболчиларимиз ғалабани ўзлари томонга оғдириб олишди. 88-дақиқада жароҳатдан қутулиб илк бор яшил майдонга чиққан Жаҳонгир Жиямурдов чамаси 30 метрлар узоқликдан белгиланган жарима тўпини ажойиб зарбаси билан голга айлантирган бўлса, ўйиннинг сўнгги дақиқаларида Дониёр Нарзуллаевнинг узоқ масофдан кутилмаганда йўллаган зарбаси дарвоза тўсинига тегиб тўрга йўл олди – 3:1. Ушбу ғалабадан кейин “Насаф” ўринбосарлари турнир жадвалининг 3-поғонасига кўтарилиб олишди.

Ёшлар лигаси, 19-тур. 19.09.2013.
“Насаф” – “Пахтакор” 3:1 (0:1)
Қарши шаҳри. “Насаф” стадиони.
Ҳакамлар: Виктор Серазитдинов, Фирдавс Норсафаров, Суҳроб Сатторов, Жонон Ҳамидов.
Назоратчи: С.Нажафалиев.
“НАСАФ”: 23. Азамат Аҳмедов, 2. Миржалол Мўминов (28. Мирзамурод Жўрабоев, 35), 3. ЖАвлон Эгамов, 4. Сарвар Холмуродов, 7. Нажмиддин Нормуродов (10. Акбар Муродов, 56), 8. Жавоҳир Ашуров (16. Дониёр Нарзуллаев, 46), 11. Санжар Баратов. (9. Шоҳруҳ Қурбонов, 63) 13. Тоҳир Абдураззоқов, 17. Обид Мамотов (55. Жаҳонгир Жиямуродов, 78), 20. Жамолиддин Машарипов, (22. Диёр Каримов, 66) 33. Илҳом Усубжонов.
“ПАХТАКОР”: 1. Никита Рибкин, 27. Жалолиддин Саидов, 20. Муҳсин Убайдуллаев, 28. Аббосҳон Махситалиев, 4. Абдурасул Комилов, 7. Арам Бабаян, 8. Абдуллоҳ Олимов, 17. Игорь Рогованов (23, Аббосбек Отахонов, 78), 14. Жалолиддин Машарипов, 21. Абдулазиз Юсупов, 13. Анвар Ражапов (25. Владислав Павловский, 46).
Голлар: Д.Нарзуллалев (53, 90), Ж.Жиямуродов (88), Д – И.Рогованов (12).
Огоҳлантириш: Н.Нормуродов (16), М.Жўрабоев (58), А.Махситалиев (76).

"Насаф" ёшлари иродали ғалабага эришди