Наманганликлар мазкур йиғин доирасидаги навбатдаги назорат-синов баҳсини Россиянинг “Уфа” жамоасига қарши ўтказди.

Учрашувнинг 1-бўлимида дарвозаларга тўп киритилмади ва жамоалар танаффусга 0:0 ҳисобидаги дуранг натижа билан йўл олди.

Баҳснинг 2-бўлимида ҳар икки клубнинг захирадан майдонга тушган футболчилари гол уришди. Учрашувнинг 68-дақиқасида "Навбаҳор" ҳужумчиси Жасур Яхшибоев ҳисобни очган бўлса, 75-дақиқада уфаликларнинг колумбиялик форварди Дилан Ортис пенальтини аниқ амалга ошириб, ҳисобни тенглаштирди ҳамда ушбу ўйиннинг 1:1 ҳисобидаги дуранг натижа билан якунланишини таъминлади.

Учрашувнинг 48-дақиқасида наманганликлар ҳимоячиси Даврон Ҳошимов қизил карточка олиб, майдондан четлатилган.

“Лочинлар” Туркия йиғини доирасидаги навбатдаги ўртоқлик баҳсини 16 февраль куни Россиянинг “Балтика” клубига қарши ўтказишни режалаштиришган.

“Навбаҳор” – “Уфа” – 1:1 (0:0)

Голлар: Жасур Яхшибоев (68) – Дилан Ортис (75-пен.).

“Навбаҳор”: Ўткир Юсупов, Давронбек Ҳошимов, Игорь Голбан, Милош Милович, Лука Чермель, Остон Ўрунов, Жамшид Искандеров, Аброр Исмоилов, Йован Жокич, Асадбек Собиржонов, Темурхўжа Абдухолиқов.

Захирадан майдонга тушганлар: Жасур Яхшибоев, Жамшид Болтабоев, Иброҳим Йўлдошев, Шаҳбоз Жўрабеков, Фаррух Икромов.

“Уфа”: Иван Кукушкин, Лев Ушахин, Эрвинг Ботака, Александр Сухов, Эгаш Касинтура, Андрей Никитин, Данила Емельянов, Артём Погосов, Артём Голубев, Алексей Евсеев, Роман Минаев.

Захирадан майдонга тушганлар: Дилан Ортис, Кэтэлин Карп ва “Уфа” кўригида бўлган 4 нафар янги футболчилар.

"Навбаҳор" "Уфа" билан муроса кўчасини танлади