Бугун Туркиядаги иккинчи кун ҳақида оз-моз ҳикоя қиламиз.

Биринчи машғулот

Ҳаш-паш дегунча Анталияга келганимизга ҳам икки кун бўлди. Бугун жамоамиз Анталиядаги илк машғулотини ўтказди. “Нефтчи” футболчилари 16 февраль куни икки маҳал машғулот ўтказишди. Эрталабки машғулот асосан жисмоний тайёргарликка қаратилди. Футболчилар фитнесс ва шунга ўхшаш машқларни бажаришди. Эрталабки машғулот маҳаллий вақт билан 9:30 (Тошкент вақти билан 12:30)да бошланди.

Кечки машғулот анча қизиқарли тарзда кечганини алоҳида таъкидлаб ўтиш жоиз. Муроджон Исмоилов бошчилигидаги мураббийлар штаби футболчиларга асосан тўп билан ишлаш имкониятини беришди.

Кечки машғулот маҳаллий вақт билан15:30 (Тошкент вақти билан 18:30)да бошланди.

Бугун биз истиқомат қилаётган меҳмонхонага яна бир нечта янги жамоалар келди. Улар Бразилиянинг “Сан Паулу” ва Қозоғистоннинг “Қайсар” клубларидир.

Айни дамда Анталияда ҳаво илиқ ва бемалол машғулотлар ўтказиш учун қулай.

"Нефтчи": Туркия кундалиги (иккинчи кун)