Bugun Turkiyadagi ikkinchi kun haqida oz-moz hikoya qilamiz.

Birinchi mashg'ulot

Hash-pash deguncha Antaliyaga kelganimizga ham ikki kun bo'ldi. Bugun jamoamiz Antaliyadagi ilk mashg'ulotini o'tkazdi. “Neftchi” futbolchilari 16 fevral kuni ikki mahal mashg'ulot o'tkazishdi. Ertalabki mashg'ulot asosan jismoniy tayyorgarlikka qaratildi. Futbolchilar fitness va shunga o'xshash mashqlarni bajarishdi. Ertalabki mashg'ulot mahalliy vaqt bilan 9:30 (Toshkent vaqti bilan 12:30)da boshlandi.

Kechki mashg'ulot ancha qiziqarli tarzda kechganini alohida takidlab o'tish joiz. Murodjon Ismoilov boshchiligidagi murabbiylar shtabi futbolchilarga asosan to'p bilan ishlash imkoniyatini berishdi.

Kechki mashg'ulot mahalliy vaqt bilan15:30 (Toshkent vaqti bilan 18:30)da boshlandi.

Bugun biz istiqomat qilayotgan mehmonxonaga yana bir nechta yangi jamoalar keldi. Ular Braziliyaning “San Paulu” va Qozog'istonning “Qaysar” klublaridir.

Ayni damda Antaliyada havo iliq va bemalol mashg'ulotlar o'tkazish uchun qulay.

"Neftchi": Turkiya kundaligi (ikkinchi kun)