Унда Ўзбекистон U-20 терма жамоасининг Осиё кубогига тайёргарлиги ҳамда мусобақадаги иштироки таҳлил қилинди. Фарҳод Нишонов бошчилигидаги мураббийлар штаби томонидан жамоа олиб борган йиғинлари, селекция, тиббий, руҳий ва жисмоний тайёргарлик кўрсаткичлари бўйича маълумотлар тақдим этилди.

Ўз навбатида мураббийлар кенгаши аъзоларининг Ўзбекистон U-20 терма жамоасининг Осиё кубогидаги иштироки юзасидан таҳлил ҳамда хулосалари тингланди. Жамоа олдига қўйилган Жаҳон чемпионатига чиқиш вазифаси бажарилмаган бўлса-да, Осиё кубоги мусобақасида орттирилган тажриба ва хатолар устида ишлаш мураббийларнинг келажакдаги фаолиятларида муҳим аҳамият касб этиши таъкидланди.

U-20 терма жамоаси мазкур ёш тоифасидаги цикл бўйича мусобақалардаги иштирокини якунлади. Жамоа футболчилари Ўзбекистон U-23 терма жамоаси асосини ташкил қилиб, Лос-Анжелесда ўтадиган Олимпиада ўйинларига тайёргарлик олиб боради.

Шунингдек, кун тартибидан Ўзбекистон U-23 терма жамоасига бош мураббийлар номзодларини кўриб чиқиш масаласи ўрин олди. Мураббий бўйича қарор — тавсияларни ўрганиш жараёни якунига етганидан сўнг маълум қилинади.

ЎФА: Янги ташкил этилаётган Ўзбекистон U-23 терма жамоасига ким бош мураббий бўлиши кейинроқ эълон қилинади