"Рома" илк учрашувда 1:4 ҳисобида мағлуб бўлганди. Римда эса керакли натижани қўлга киритиб, камбэк амалга оширди. Қайд этиш керак, римликлар ушбу босқичга 34 йил деганда етиб келди. Ушбу учрашувни бевосита стадиондан Сэр Алекс Фергюсон томоша қилиб борди.
Ёдингизда бўлса, 5 кун олдин буюк Сэр Алекс Манчестер дербисини томоша қилган ва унда ҳам камбэк бўлганди. Демак, Сэр Алекс 5 кун ичида борган икки ўйинида камбэклар амалга оширилди.
