- Ўйин ҳақида
- Жуда оғир ўйин бўлди. "Олимпик"нинг олдинги ўйинларини батафсил кўриб чиққандик. Ҳимоявий ўйин кўрсатдик, аммо йигитлар ҳужумда ҳам яхши тўп тепишди. Биринчи марта бундай катта майдонда тўп тепяпмиз.
Иккинчи таймда кўп вақт чўзишлар бўлди. Албатта, буни устида ишлаймиз. "Олимпик" жамоасига келгуси ўйинларда омад тилайман.
- Тимур Кападзе етакчиларни олиб келмадик, деб айтди. Сиз рақибдан қандай таркибни кутгандингиз?
- Биз асосий таркиб келишини кутгандик ва ҳимоявий услубни жорий этгандик. "Олимпик"ни биринчи таркибими, иккинчи таркибими, ҳаммасини асосий деб биламан. Чунки Олимпия терма жамоаси йиғилган, кучсиз ўйинчининг ўзи йўқ. Шогирдларимга баҳс учун раҳмат айтаман.
- Мухлислар сизни "ёшлар Пеп Гвардиоласи" деб аташмоқда. Бунга муносабатингиз?
- Мухлис – бу мухлис. Улар футболдан завқ олиш учун келишади. Ўтган сафар ҳам Гвардиолага қиёслашганди, албатта, бундан фақат хурсандман. Лекин мен Шоҳруҳ Ишановман. Жамоамиз ўйин услубини шакллантириш учун ҳаракатдаман.
- Сизнинг тарбияланувчиларингиз орасида кимлар Суперлигада ҳаракатланмоқда?
- Биринчи шогирдларимдан Дониёр Абдуманноповни айта оламан. Ҳозирги кунда "Сўғдиёна"да ўйнамоқда. Ўсиб келаётган авлоддан 2005-йилда таваллуд топган ўйинчилардан умидимиз катта.
- Ҳужумкор футболчи Шаҳбоз Жумабоевни орқароқда ўйнатдингиз. Ундан ҳужумда фойдалансангиз, кўпроқ фойда бермасмиди?
- Бугунги рақибимиздан келиб чиқиб шундай қарорга келдик. Ҳимоявий ўйинга эътибор қаратдик.
Изоҳлар