Жамоа бош мураббийи Бахтиёр Ашурматов барчанинг кўз ўнгида Аюбхон билан хайрлашди ва унинг кейинги фаолиятига омадлар тилади, деб хабар берди "Сурхон" клуби матбуот хизмати.

"Навбаҳор"нинг Тошкентдаги қароргоҳига ўтган мавсумда жамоа шарафини ҳимоя қилган ва жорий мавсумнинг 1-даврасини Термизнинг “Сурхон” клубида ўтказган 28 ёшли ярим ҳимоячи Аюбхон Номанов қўшилди.

Номанов ўтган мавсумда “лочинлар” таркибида 30та ўйинда майдонда 1936 дақиқа ҳаракат қилиб, 1та гол урган ҳамда 1та голга ассистентлик қилганди.

Ярим ҳимоячи бугундан “Навбаҳор” машғулотларига қўшилди. Аюбхон Номановнинг ҳаракатлари жамоамизнинг мураббийлар штабида яхши таассурот қолдирса, у билан шартнома имзоланади, - деб ёзади “Навбаҳор” ПФК матбуот хизмати.

"Сурхон" ярим ҳимоячиси Аюбхон Номанов "Навбаҳор"га қайтди