"Локомотив" ўз тарихида илк бор ОЧЛда ғалаба қозонди. Бу хурсанд қилмай қўймайди. Агар бугун плей офф ўйини бўлганида ғалаба қиймати анча юқори бўларди. Аммо биз фақатгина 3 очко олдик холос. Ўтган ўйиндаги мағлубият тасодифлигини исботлай олганимиздан хурсандмиз", - дейди Абрамов.

"Мураббий фикрларига қўшиламан. Ғалаба қозониш доим ёқимли. Кейинги ўйинларда ҳам шундай ўйнашга ҳаракат қиламиз", - дейди ўйиннинг энг яхши футболчиси деб топилган Марат Бикмаев.

- Кейинги учрашувда Ислом Тўхтахўжаев майдонга туша олмайди. Бу режаларингизга таъсир қиладими?

- Албатта, бу режаларга таъсир қилади. Лекин жуда кўп оддий ҳолатларда сариқ олаяпмиз. Бу борада футболчилар билан гаплашиб оламиз. Демак унинг ўрнида бошқа футболчи ўйнайди.

- Икром Алибоев сизнинг ишончингизни оқладими?

- ОЧЛдаги илк ўйин учун яхши ўйнади. Албатта учрашув бошида у ҳаяжонланди, лекин ўйини яхши бўлди.

- Сўнгги йилларда у қадар ёрқин ўйин кўрсатмаётгандингиз. "Сўғдиёна"га гол урдингиз, бугун иккита тўп киритдингиз. Марат Бикмаев қайтдими?

Марат Бикмаев: - Жароҳат туфайли узоқ муддат майдонга туша олмадим. Энди-энди сафга қайтаяпман.

- Нестеровни нима учун бугун майдонга тушурмадингиз? "Ал Ҳилол" ва "Фулад" учрашувидан қандай натижа кутаяпсиз?

- Маъмур Икромовга яна бир имконият беришга қарор қилдим. Бугун гол ўтказмаганидан хурсандман. "Ал Ҳилол" ва "Фулад" учрашувида дуранг бўлса яхши...

Нарзулла Сайдуллаев

Вадим Абрамов: "ОЧЛдаги илк ғалабадан хурсандмиз"