"Lokomotiv" o'z tarixida ilk bor OCHLda g'alaba qozondi. Bu xursand qilmay qo'ymaydi. Agar bugun pley off o'yini bo'lganida g'alaba qiymati ancha yuqori bo'lardi. Ammo biz faqatgina 3 ochko oldik xolos. O'tgan o'yindagi mag'lubiyat tasodifligini isbotlay olganimizdan xursandmiz", - deydi Abramov.

"Murabbiy fikrlariga qo'shilaman. G'alaba qozonish doim yoqimli. Keyingi o'yinlarda ham shunday o'ynashga harakat qilamiz", - deydi o'yinning eng yaxshi futbolchisi deb topilgan Marat Bikmaev.

- Keyingi uchrashuvda Islom To'xtaxo'jaev maydonga tusha olmaydi. Bu rejalaringizga tasir qiladimi?

- Albatta, bu rejalarga tasir qiladi. Lekin juda ko'p oddiy holatlarda sariq olayapmiz. Bu borada futbolchilar bilan gaplashib olamiz. Demak uning o'rnida boshqa futbolchi o'ynaydi.

- Ikrom Aliboev sizning ishonchingizni oqladimi?

- OCHLdagi ilk o'yin uchun yaxshi o'ynadi. Albatta uchrashuv boshida u hayajonlandi, lekin o'yini yaxshi bo'ldi.

- So'nggi yillarda u qadar yorqin o'yin ko'rsatmayotgandingiz. "So'g'diyona"ga gol urdingiz, bugun ikkita to'p kiritdingiz. Marat Bikmaev qaytdimi?

Marat Bikmaev: - Jarohat tufayli uzoq muddat maydonga tusha olmadim. Endi-endi safga qaytayapman.

- Nesterovni nima uchun bugun maydonga tushurmadingiz? "Al Hilol" va "Fulad" uchrashuvidan qanday natija kutayapsiz?

- Mamur Ikromovga yana bir imkoniyat berishga qaror qildim. Bugun gol o'tkazmaganidan xursandman. "Al Hilol" va "Fulad" uchrashuvida durang bo'lsa yaxshi...

Narzulla Saydullaev

Vadim Abramov: "OCHLdagi ilk g'alabadan xursandmiz"