- Тенг жамоалар ўртасида кураш бўлди. Ўз хатоларимиз эвазига голлар қўйиб юбордик. Афсуски футболчиларимиз тўп йўқотилишига тайёр эмасди. Шу иккита гол ўйин тақдирини ҳал қилди.

- Ўзбекистон терма жамоасининг собиқ футболчиси Шерзод Аъзамов "Шўртан" мураббийлар штабига қўшилиши ҳақида хабарлар чиқди. Бу маълумот ростми?

- Мураббийлар штабини раҳбарият ҳал қилади. Шерзод Аъзамовни мураббийлик лицензияси мавжуд эмас. Билмадим. Буни раҳбарият қилади. Мураббийлар штабида ишлаш учун камида А лицензия бўлиши керак.

- Сирожиддин Қўзиев жамоадан кетадими?

- Бугунги ўйинда Қўзиев каби футболчиларнинг йўқлиги сезилди. Сирожиддин Қўзиев Ҳиндистон жамоасига ўтди. У легионерга айланди. Шартномасида хориждан яхшироқ таклиф бўлса, қўйиб юборишимиз кераклиги борасида банд бор эди.

- Биринчи давра якунланди. Режалар қандай?

- Футболчилар оламиз, жамоани кучайтирамиз. Ҳар бир чизиқда рақобат юзага келтирамиз. Тажрибали футболчиларни ҳам кўз остимизга олиб қўйганмиз ва уларни ҳам жамоага таклиф қиламиз. Шунингдек, фикрлари яхши бўлган ёш футболчиларни ҳам жамоага олиб келамиз.

Элдор Мойлиев: "Сирожиддин Қўзиев легионерга айланди"